सातारा प्रतिनिधी | शुभम बोडके
सातारा शहर पोलीस स्टेशनच्या हद्दीमधून मोटारसायकल चोरीच्या घटना वारंवार होत असतात. गुन्हे प्रकटीकरण शाखेचे पोलिस उपनिरीक्षक समीर कदम आणि कर्मचारी शहर पोलिस ठाण्याच्या हद्दीत पेट्रोलिंग करत असताना गोपनीय माहितीच्या आधारे एक संशयितास ताब्यात घेतले. त्याच्याकडून 10 मोटारसायकल हस्तगत करण्यात आल्याची माहिती पोलिसांनी दिली.
पोलिसांनी दिलेली माहिती अशी, पोलीस निरीक्षक भगवान निंबाळकर यांनी डी.बी. पथकास मार्गदर्शन करून मोटारसायकल चोरीचे गुन्हे उघड करणेबाबत सुचना दिल्या होत्या. त्याप्रमाणे डी.बी. पथकातील पोलीस स्टाफ सातारा शहर पोलीस ठाणेचे हद्दीत पेट्रोलिंग करीत होते. त्यावेळी मोटारसायकल चोरीबाबत एका संशयिताची माहीती मिळाल्यानंतर त्याच्यावर पाळत ठेवून त्याचा शोध घेवून त्यास ताब्यात घेतले. त्यानंतर सदर संशयिताकडे गोपनिय माहितीचे व तांत्रिक पुरावाचे आधारे त्यास कौशल्यपूर्वक विचारपूस केली असता धक्कादायक माहिती मिळाली. सदर युवकाने संभाजीनगर परिसरात राहून सदर परिसरातील मोटारसायकल चोरी केलेचे सांगितले. तसेच त्याने विविध अडचणी सांगून सदरचे मोटारसायकल हे विविध ठिकाणी दिल्या असल्याचे सांगितले.
त्याप्रमाणे डी. बी. पथकाने संशयिताने चोरी केलेल्या एकूण 9 मोटारसायकल हस्तगत केलेल्या आहेत. त्यामध्ये 1 पॅशन प्रो 3 स्पेल्डर, 1 ग्रे रंगाची अॅक्टिव्हा, 1 बजाज सीटी 100, 1 डिस्कव्हर, 1 सी.डी. डिलक्स, 1 हिरो होन्डा पॅशन, 1 होन्डा शाईन मोटारसायकल आहेत. सदरच्या मोटारसायकल पैकी 9 मोटारसायकल सातारा शहर पोलीस ठाणे हद्दीतून व 1 मोटारसायकल हि भुईंज येथून त्याचे अन्य साथीदारामार्फत चोरी केली असल्याचे त्याने कबुली दिली आहे.
सदरची कारवाई पोलीस अधिक्षक अजयकुमार बन्सल, अपर पोलीस अधिक्षक अजय बो-हाडे, सहा पोलीस अधिक्षक आंचल दलाल, वरिष्ठ पोलीस निरीक्षक भगवान निंबाळकर, महिला पोलीस निरीक्षक वंदना श्रीसुंदर यांचे मार्गदर्शनाखाली गुन्हे प्रकटीकरण पथकाचे पोलीस उपनिरीक्षक समीर कदम, पो. ना. सुजित भोसले, पो.ना. अविनाश चव्हाण, पो.ना. पंकज ढाणे, पो.ना. ज्योतीराम पवार, पो. ना अभय साबळे, पो. ना. विक्रम माने, पो.कॉ. गणेश घाडगे, पो. कॉ. संतोष कचरे, पो. कॉ. सागर गायकवाड, पो. कॉ. विशाल धुमाळ यांनी केलेली आहे.