औरंगाबाद – फी न भरल्याने 10 वीच्या विद्यर्थिनीला परीक्षेतून बाहेर काढल्याचा धक्कादायक प्रकार उघडकीस आला आहे. मनसेने घेराव घातल्यानंतर विद्यार्थिनीला वापस परीक्षेत बसवण्यात आले.
27 हजार रुपये पैकी 7 हजार रुपये बाकी असल्याने 10 वी त शिकणाऱ्या विद्यार्थिनीला शाळा प्रशासनाने परीक्षेतून बाहेर काढल्याचा प्रकार शहरातील सिंधी कॉलोनी भागात असलेल्या ऑईस्टर इंग्लिश हायस्कुल शाळेत समोर आला आहे.
ही माहिती मिळताच मनसे पदाधिकाऱ्यांनी शाळेत धाव घेत शाळा प्रशासनाला धारेवर धरत घेराव घातला होता. शाळा प्रशासनाने चूक मान्य करीत विद्यार्थिनीला परीक्षेत बसू देण्याचे मान्य करीत माफीनामा लिहून दिला.