लग्न सोहळ्यातून नवरीचे चोरी केलेले 25 लाखांचे दागिने जप्त

औरंगाबाद – महिनाभरापूर्वी बीडबायपास येथील सुर्यालॉन्समधील लग्नातून ३६ लखाचे दागिने पळविणाऱ्या चोरट्याकडून स्थनिक गुन्हेशाखेच्या पथकाने हिरेजडित हारासहित 25 लखाचे सोन्याचे दागिने जप्त केले आहे.

6 डिसेंबर रोजी बीडबायपास येथील सुर्यालॉन्स या मंगल कार्यालयात लग्न सोहळ्यातून आरोपी अभिषेक विनोद भानुलिया याने अल्पवयीन मुलाच्या मदतीने नजरचुकवत 36 लखाचे दागिने लंपास केले होते. गुन्हेशाखेच्या पथकाने सीसीटीव्हीच्या मदतीने या टोळीचा माग काढत आरोपीला अटक केली. त्यांच्या ताब्यातून 42 तोळे वजनाचे 24 लाख 77 हजार 850 रुपये किमतीचे दागिने जप्त केले आहे.

मध्यप्रदेश राज्यातील टोळीने नागपूर, अमरावती, नाशिक, अकोला, ठाणे, पुणे, मीरा भाईंदर या ठिकाणी लहान मुलांचा उपयोग करून चोरी केली आहे. लग्न सोहळ्यात अनोळखी लहान मुलांकडून मौलवण वस्तू सांभाळावे असे आवाहन पोलीस अधीक्षक निमित्त गोयल यांनी केले आहे.