मुंबई । कोरोनाविरुद्ध लढाईत आघाडीचा मोर्चा सांभाळत असलेल्या योद्ध्यांमध्येच संसर्ग वाढल्याची चिंताजनक बाब समोर आली आहे. यात पोलीस दलात कोरोनाचा झालेला शिरकाव म्हणजे कोरोनाची लढाई आणखी कठीण होत असल्याचं संकेत आहेत. मिळालेल्या आकडेवारीनुसार महाराष्ट्रातील 531 पोलिसांना कोरोनाची लागण झाली आहे. यामध्ये 51 अधिकारी आणि 480 कर्मचाऱ्यांचा समावेश आहे. तर कर्तव्य बजावणाऱ्या पाच पोलिसांनी प्राण गमावले आहेत.
सद्यस्थितीत 43 अधिकारी आणि 444 कर्मचारी कोरोनासंक्रमित आहेत. तर आतापर्यंत 39 जण बरे झाले असून त्यांना डिस्चार्ज देण्यात आला आहे. यामध्ये आठ अधिकारी आणि कर्मचारी आहेत. तर मुंबईतील तीन तसंच पुणे आणि सोलापूरमधील प्रत्येकी एका पोलीस कर्मचाऱ्याचा कोरोनामुळे मृत्यू झाला आहे. तर पाच जणांचा मृत्यू झाला आहे.पोलिसांना जर कोरोना संदर्भातील काही लक्षणे दिसून आली तर त्यांच्यावर तातडीने उपचार व्हावेत, याकरिता राज्यात सर्वत्र नियंत्रण कक्ष स्थापन केले आहेत.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News.”