7th Pay Commission : दसऱ्यापूर्वी सरकारी कर्मचाऱ्यांचा HRA 3 टक्क्यांनी वाढणार

नवी दिल्ली । केंद्र सरकार सणासुदीच्या काळात सरकारी कर्मचाऱ्यांना चांगली बातमी देणार आहे. वास्तविक, सरकार केंद्रीय कर्मचाऱ्यांच्या घरभाडे भत्त्यात (HRA) 3 टक्क्यांनी वाढ करत आहे. सरकारने दीड वर्षांपासून रोखलेली महागाई भत्त्याची थकबाकीही दिलेली नाही. मात्र, जुलै 2021 पासून महागाई भत्ता (DA) 17 टक्क्यांवरून 28 टक्के करण्यात आला आहे. आता सरकारने ऑगस्ट महिन्यासाठीचा HRA 3 टक्के वाढवून मूळ वेतनाच्या 25 टक्के केला आहे.

सरकारी कर्मचाऱ्यांच्या मूळ वेतनाच्या आधारावर घरभाडे भत्ता आणि DA वाढवण्यात यावा, असे आदेश केंद्र सरकारने जारी केले आहेत. या नियमानुसार, HRA मध्ये वाढ करण्यात आली आहे कारण DA 25 टक्क्यांपेक्षा जास्त आहे. अशा परिस्थितीत केंद्राने HRA वाढवून 27 टक्के करण्याचा निर्णय घेतला आहे. केंद्र सरकारच्या Expenditure Department ने 7 जुलै 2017 रोजी जारी केलेल्या आदेशात म्हटले होते की, जेव्हा DA 25 टक्क्यांपेक्षा जास्त असेल, तेव्हा HRA देखील बदलले जाईल. आता 1 जुलैपासून महागाई भत्ता 28 टक्के झाला आहे, त्यामुळे HRA देखील वाढवणे आवश्यक आहे.

कोणत्या शहरासाठी तुम्हाला किती HRA मिळेल?
कर्मचाऱ्याच्या सध्याच्या शहराच्या श्रेणीनुसार HRA 27 टक्के, 18 टक्के आणि 9 टक्के दिले जात आहे. ही दरवाढ DA सह 1 जुलै 2021 पासून लागू झाली आहे. HRA ची श्रेणी X, Y आणि Z वर्गाच्या शहरांनुसार आहे. दुसऱ्या शब्दांत, जर एखादा केंद्रीय कर्मचारी X श्रेणीच्या शहरात असेल, तर त्याला आता दरमहा 5,400 रुपयांपेक्षा जास्त HRA मिळेल. यानंतर, Y श्रेणीच्या कर्मचाऱ्यांना दरमहा 3,600 रुपये आणि Z वर्ग कर्मचाऱ्यांना दरमहा 1,800 रुपये मिळतील.

केंद्रीय कर्मचाऱ्यांना पगारवाढीचे गणित समजून घेउयात
7 व्या वेतन आयोगानुसार (7th Pay Commission), केंद्रीय कर्मचाऱ्यांचे मिनिमम बेसिक सॅलरी 18,000 रुपये आहे. त्याच वेळी, खाजगी क्षेत्रातील कर्मचाऱ्यांचे मूळ वेतन 15,000 रुपयांपासून सुरू होते. केंद्रीय कर्मचाऱ्यांना जून 2021 पर्यंत 17 टक्के दराने 18,000 रुपयांच्या मूळ वेतनावर 3,060 रुपये DA मिळत होता. जुलै 2021 पासून केंद्रीय कर्मचाऱ्यांना 28 टक्के DA दराने 5,040 रुपये दरमहा मिळतील. आता कर्मचाऱ्यांची मंथली सॅलरी 1,980 रुपयांनी वाढली आहे.