औरंगाबाद – रशियाने युक्रेनवर हल्ले सुरूच ठेवले आहे. त्यामुळे युक्रेनमध्ये भारतीय विद्यार्थी अडकले आहेत. त्यात मराठवाड्यातील 91 जणांचा समावेश आहे. ते भीतीच्या सावटाखाली आहेत. त्यांच्या मदतीसाठी केंद्र सरकारने टोल फ्री क्रमांकासह मेल आयडी दिला आहे. विद्यार्थ्यांच्या मदतीसह पालकांच्या माहितीसाठी संबंधित जिल्ह्यांमध्ये मदत कक्ष सुरू केले आहेत.
जिल्हास्तरावर जिल्हाधिकारी कार्यालयातील आपत्ती निवारण अधिकाऱ्याशी पालकांनी संपर्क साधावा, असे आवाहन विभागीय आयुक्त सुनील केंद्रेकर यांनी केले आहे. यामध्ये नांदेड जिल्ह्यातील सर्वाधिक 29 तर बीड जिल्ह्यातील सर्वात कमी 1 विद्यार्थी युक्रेनमध्ये अडकला आहे.
जिल्हानिहाय विद्यार्थी –
औरंगाबाद – 7
जालना – 7
बीड – 1
परभणी – 6
हिंगोली – 1
नांदेड – 29
लातूर – 28
उस्मानाबाद – 12