नवी दिल्ली । टेलिकॉम सर्विस प्रोव्हायडर भारती एअरटेलचा एप्रिल-जून 2021 मधील तिमाहीचा नफा 62 टक्क्यांनी घसरून 284 कोटी रुपये झाला. मार्च 2021 तिमाहीत कंपनीचा नफा 759 कोटी रुपये होता. आर्थिक वर्ष 2020-21 च्या जून तिमाहीत कंपनीला 15,933 कोटी रुपयांचा तोटा झाला. जून तिमाहीत कंपनीचे कामकाजातून उत्पन्न 15 टक्क्यांनी वाढून 23,290 कोटी रुपयांवरून 26,854 कोटी रुपये झाले. 1 जानेवारी 2021 रोजी मोबाईल टर्मिनेशन चार्ज संपल्यानंतर कंपनीच्या उत्पन्नात 21.2 टक्के वाढ झाल्याचा कंपनीचा दावा आहे.
EBITDA मध्ये 30 टक्के वाढ
जून 2021 च्या तिमाहीत कंपनीचे कंसॉलिडेटेड EBITDA (Consolidated EBITDA) 30 टक्क्यांनी वाढून 13,189 कोटी रुपये झाले. आर्थिक वर्ष 2020-21 च्या जून तिमाहीत हा आकडा 10,119 कोटी रुपये होता. कंपनीचा नफा 5.67 टक्क्यांनी वाढून 49.1 टक्के झाला. मागील आर्थिक वर्षाच्या याच तिमाहीत ते 43.4 टक्के होते. जून 2021 च्या तिमाहीत एअरटेलची प्रति युझर सरासरी कमाई (APRU) 146 रुपये होती. वर्षभरापूर्वी याच तिमाहीत कंपनीचे APRU 138 रुपये होते.
गोदरेज प्रॉपर्टीजचा कमी झाला नफा
रिअल्टी फर्म गोदरेज प्रॉपर्टीजने जून 2021 मध्ये संपलेल्या तिमाहीत 17.01 कोटी रुपयांचा नफा नोंदवला. या मुंबईस्थित कंपनीला गेल्या वर्षी याच तिमाहीत 19.26 कोटी रुपयांचा तोटा झाला होता. चालू आर्थिक वर्षाच्या पहिल्या तिमाहीत कंपनीचे एकूण उत्पन्न 261.99 कोटी रुपये होते, जे मागील आर्थिक वर्षाच्या याच कालावधीत 195.66 कोटी रुपये होते. गोदरेज प्रॉपर्टीज ही गोदरेज ग्रुपची रिअल इस्टेट कंपनी आहे.
