साडीचा पदर खाली टाकत ‘त्या’ अभिनेत्रीने अनुरागकडे काम मागितले आणि.. ; दिग्दर्शकाचा धक्कादायक खुलासा

मुंबई । अभिनेत्री पायल घोषनं दिग्दर्शक-निर्माता अनुराग कश्यप यांच्यावर लैंगिक शोषणाचा आरोप केला आहे. अनुरागने आपल्या राहत्या घरी बोलवून लैगिक छळ केल्याचा आरोप पायलने केला आहे. यानंतर बॉलिवूडमधील अनेक जण अनुराग कश्यपवर पायल घोषाने केलेले आरोप चुकीचे असल्याचे सांगत त्याच्या पाठीशी उभे राहिले आहेत. तर सोशल मीडियावर आपल्या ट्विटवरून राजकीय भाष्य करणाऱ्या अनुरागला त्याच्या विरोधकांच्या टीकेचा सामना करावा लागत आहे. अशातच आता अनुराग यांचे जुने सहकारी दिग्दर्शक जयदीप सरकार यांनी अनुरागला आपला पाठींबा दर्शवला आहे. शिवाय अनुरागकडे कामासाठी खालच्या पातळीवर गेलेल्या एका अभिनेत्रीचा किस्सा त्यांनी सांगितलं आहे.

अनुराग यांच्याबर काम करत असतानाचा हा किस्सा सांगत अनुराग पायलं घोषबरोबर असं कृत्य करूच शकत नाही, असं जयदीप सरकार यांनी ट्वीटवरून म्हटलं आहे. सरकार यांनी सांगितलं कि, 2004 साली अनुराग कश्यप यांचा असिस्टंट म्हणून मी काम करत होतो. आम्ही ‘गुलाल’ या चित्रपटासाठी कलाकारांच्या ऑडीशन घेत होतो. यावेळी एका अभिनेत्रीला या चित्रपटात काम हवं होतं. त्यासाठी ती सतत अनुराग यांना भेटण्यासाठी वेळ मागत होती, असं सांगत जयदीप सरकार यांनी पुढे तिनं काम करण्यासाठी कोणतं पाऊल उचललं हे ही सांगितलं आहे.

ती अभिनेत्री एक दिवस भेटायला आल्यानंतर तिनं आपल्या साडीचा पदर खाली पाडला आणि कास्टिंग काऊचच्या बदल्यात अनुराग कश्यप यांना काम मागितलं. परंतु अनुराग कश्यप यांनी त्या अभिनेत्रीकडं लक्ष दिलं नाही, असा किस्सा जयदीप सरकार यांनी सांगितला आहे. जयदीप सरकार यांनी अनुराग यांच्या समर्थनार्थ केलेलं हे ट्वीट सध्या प्रचंड व्हायरल होत आहे.

दरम्यान, 2014 साली अनुराग कश्यपनं आपल्याला घरी बोलावून माझ्यावर जबरदस्ती केली होती, असं पायल घोषनं म्हटलं आहे. अनुराग कश्यप माझ्यासमोर न्यूड झाले होते, असं म्हणत अनुराग यांच्यावर पायलनं अनेक गंभीर आरोप केले आहेत. तसेच या क्रियेटीव्ह दिग्दर्शकाचा खरा चेहरा सर्वांच्या समोर यावा म्हणून याप्रकरणी कारवाई करण्याची मागणीही पायल घोषनं केली आहे. याप्रकरणी आता पुढे काय घडतंय हे पाहणं महत्वाचं ठरणार आहे. दरम्यान, अनुराग कश्यपने आपल्यावरील सर्व आरोप फेटाळले आहेत. सोबतच मी अशा आरोपांची वाटच पाहत होतो असं म्हणत यामागे षडयंत्र असल्याचे म्हटलं आहे.

ब्रेकिंग बातम्या मोबाईलवर मिळवण्यासाठी आम्हाला 7875002893 या नंबरला WhatsApp करा आणि लिहा “Hello News”.

 

 

 

 

You might also like