नवी दिल्ली । अ‍ॅपलने चीनविरोधात पुन्हा एकदा मोठी कारवाई करत आपल्या अ‍ॅप स्टोअरकडून 39,000 गेमिंग अ‍ॅप्स काढले आहेत. एका दिवसात अ‍ॅपलकडून चीनी अ‍ॅप्लिकेशनवर करण्यात आलेली ही आतापर्यंतची सर्वात मोठी कारवाई आहे. अ‍ॅपलने लायसन्स न सादर केल्यामुळे हे गेमिंग अ‍ॅप्स आपल्या अ‍ॅप स्टोअर वरून काढण्याचा निर्णय घेतला आहे. लायसन्स अभावी आतापर्यंत अ‍ॅपलने आपल्या अ‍ॅप स्टोअरमधून एकूण 46,000 अ‍ॅप्स काढून टाकले आहेत. वास्तविक, अ‍ॅपलने सर्व गेमिंग डेव्हलपर्सना लायसन्स दाखविण्यासाठी 31 डिसेंबरची ही शेवटची तारीख दिली होती परंतु डेव्हलपर्सनी कोणतेही लायसन्स दाखविले नाही ज्यानंतर अ‍ॅपलने हा निर्णय घेतला. रिसर्च फर्म Qimai च्या म्हणण्यानुसार 1,500 अ‍ॅप्सपैकी केवळ 74 अ‍ॅप्सनी वेळेवर लायसन्स दिले आहेत.
हटविलेल्या या अ‍ॅप्समध्ये Ubisoft, NBA 2K20 सारख्या अ‍ॅप्सचा समावेश आहे. तथापि, अ‍ॅपलने अधिकृतपणे या कारवाईसंदर्भात कोणतेही स्पष्टीकरण दिलेले नाही.
31 डिसेंबरपर्यंत मुदत
यावर्षी फेब्रुवारीमध्ये अ‍ॅपलने 30 जूनपर्यंत सर्व गेमिंग डेव्हलपर्सना लायसन्स दाखविण्यासाठी सांगितले होते. नंतर कंपनीने ही मुदत 31 डिसेंबरपर्यंत वाढविली. परंतु डेव्हलपर्सने कोणतेही लायसन्स दाखविले नाही ज्यानंतर अ‍ॅपलने हा निर्णय घेतला. चीनच्या अँड्रॉइड अ‍ॅप स्टोअरने लायसन्स देण्याच्या नियमांचे पालन केले आहे.
या वर्षाच्या सुरुवातीस, अ‍ॅपलने चीनमधील हजारो अ‍ॅप अपडेट निलंबित केल्या. अ‍ॅपलने सरकारी लायसन्स अभावी हा निर्णय घेतला. अ‍ॅपलच्या निर्णयामुळे 60,000 हून अधिक गेमिंग अ‍ॅप्सचे अपडेट निलंबित केले गेले आहेत. 2010 पासून केवळ 43,000 डेव्हलपर्सनी लायसन्स सादर केलेले आहेत.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.