रेशनकार्डबद्दल मोठी बातमी, आता आपली माहिती अपडेट करण्यासाठी द्यावे लागणार पैसे, जाणून घ्या

ताज्या मराठी बातम्यांसाठी आमचा ग्रुप जॉईन करा
WhatsApp Group Join Now
Google News Join Now

हॅलो महाराष्ट्र ऑनलाईन । देशभरात ‘वन नेशन वन रेशन कार्ड’ ही योजना राबविण्यासाठी केंद्र सरकार सातत्याने प्रयत्न करत आहे. सध्या ही योजना देशातील 26 राज्ये आणि केंद्रशासित प्रदेशांमध्ये राबविण्यात आली आहे. या प्रक्रियेमध्ये लोकांना रेशनकार्डला आधारशी (Ration Card linking with Aadhar) जोडण्यास सांगण्यात आले आहे. 30 सप्टेंबर 2020 ही रेशन कार्ड आधारशी जोडण्याची शेवटची तारीख आहे. जर आपण 30 सप्टेंबरपूर्वी रेशन कार्डला आपल्या आधारशी लिंक केले नाही तर आपल्याला पुढील समस्या येऊ शकतात. यासाठी देशातील बर्‍याच राज्यांत रेशन पोर्टेबिलिटी सुविधेचा लाभ घेण्यासाठी बँकामध्ये फेऱ्याही माराव्या लागत आहे. उत्तराखंड सरकारने रेशनकार्डमधील नाव, पत्ता किंवा वय बदलण्यासाठी 25 रुपयांचा ड्राफ्ट तयार करणे बँकेला बंधनकारक केले आहे.

काही राज्ये रेशन पोर्टेबिलिटी सुविधेसाठी शुल्क आकारतील
उत्तराखंड सरकार आता या रेशनकार्ड पोर्टेबिलिटी सुविधेसाठी ग्राहकांकडून 10 ऐवजी 17 रुपये खर्च वसूल करेल. उत्तराखंडचा अन्न व पुरवठा विभाग आता फक्त बँक ड्राफ्टच्या माध्यमातूनच ही रेशनकार्ड पोर्टेबिलिटी सुविधा देईल. रेशन कार्डधारकांनी रेशनकार्डमधील आपले नाव, पत्ता किंवा वय बदलल्यास त्यांना 25 रुपयांचा ड्राफ्ट अनिवार्य केला आहे.

रेशन कार्ड बनविणे आणि बदल करणे ही राज्याची बाब आहे
रेशन कार्ड बनविणे हा राज्य सरकारचा विषय आहे. अनेक राज्य सरकारे यासाठी पैसे आकारतात, तर बरीच राज्य सरकारे नागरिकांना ही सेवा विनाशुल्क देत आहेत. केंद्रीय ग्राहक आणि अन्न मंत्रालयाचे याबात म्हणणे आहे की,’ रेशन कार्ड बनविणे हा राज्याचा विषय आहे. कोणते राज्य पैसे गोळा करते किंवा ते विनाशुल्क करते हे त्या त्या राज्याचे प्रकरण आहे. जोपर्यंत रेशन कार्ड पोर्टेबिलिटी सुविधेचा प्रश्न आहे, ते रेशन कार्ड आधारशी जोडणे आणि EPOS (Electronic Point of Sale) मशीनसह इंटरनेट सेवा असणे बंधनकारक आहे. याशिवाय रेशन पोर्टेबिलिटी सुविधेचा लाभ घेऊ शकत नाही. रेशन कार्ड पोर्टेबिलिटी सुविधा फक्त बीपीएल कार्डधारकांना उपलब्ध आहे.

देशात 24 कोटी रेशनकार्ड आहेत
देशात सुमारे 24 कोटी रेशनकार्डधारक आहेत. रेशन कार्डला आधारशी जोडण्याच्या मुदतीसाठी आता फक्त 6 दिवसच शिल्लक आहेत. रेशन कार्ड आधारशी जोडलेला नसेल तर रेशनकार्डमधून तुमचे नाव कट होईल. म्हणून शिल्लक राहिलेल्या कार्ड धारकांनी 30 सप्टेंबर 2020 पर्यंत त्यांचे रेशन कार्ड आधारशी लिंक केले पाहिजे.

ब्रेकिंग बातम्या मोबाईलवर मिळवण्यासाठी आम्हाला 7875002893 या नंबरला WhatsApp करा आणि लिहा “Hello News”.

Leave a Comment