हॅलो महाराष्ट्र ऑनलाइन | गेल्या काही दिवसांपासून राज्यात सुरू असलेल सत्तानाट्य संपलं असून काल एकनाथ शिंदे यांनी मुख्यमंत्री आणि देवेंद्र फडणवीस यांनी उपमुख्यमंत्री पदाची शपथ घेतली. यानंतर आता आता मंत्रिमंडळ विस्तार आणि विधानसभा अध्यांक्षाच्या निवड प्रक्रिया सुरु झाली आहे. भाजपकडून विधानसभा अध्यक्षपदासाठी राहुल नार्वेकर यांचे नाव जाहीर करण्यात आले आहे.
राज्यपाल भगतसिंग कोशारी यांनी नव्या सरकारला बहुमत सिद्ध करण्यासाठी 3 आणि 4 जुलै ला विशेष अधिवेशन बोलवलं आहे. याच अधिवेशनात विधानसभा अध्यक्षाची निवड होणार आहे. त्याच पार्श्वभूमीवर राहुल नार्वेकर यांनी आपला उमेदवार अर्ज दाखल केला आहे.
कोण आहेत राहुल नार्वेकर-
राहुल नार्वेकर हे कुलाब्याचे आमदार आहेत. आधी शिवसेना, मग राष्ट्रवादी आणि आता ते भाजपचे आमदार आहेत. शिवसेनेने त्यांना 2104 लोकसभेला उमेदवारी नाकारल्याने त्यांनी राष्ट्रवादीत प्रवेश केला होता. लोकसभेला त्यांचा पराभव झाला. यानंतर ते भाजपात गेले होते.