मुंबई । गेल्या वर्षभरापासून स्टार अभिनेत्री कतरिना कैफची बहीण इसाबेल कैफ बॉलीवूडमध्ये पदार्पणाच्या प्रतीक्षेत आहे. दरम्यान, इसाबेलची प्रतीक्षा संपली असून ‘सुस्वागतम खुशामदीन’ या सिनेमातून ती बोललीवूडमध्ये डेब्यू करतेय. इसाबेलने तिच्या डेब्यू सिनेमाचे दोन पोस्टर शेअर करत ही माहिती दिली.
‘सुस्वागतम खुशामदीन’ या सिनेमात ती अभिनेता पुलकित सम्राटसोबत स्क्रिन शेअर करणार आहे. सिनेमात पुलकीत अमन नावाचे पात्र साकारणार आहे आणि इसाबेल आग-यात राहणा-या नूरची भूमिका साकारणार आहे. याआधी इसाबेल ‘टाईम टू डान्स’ या सिनेमातून डेब्यू करणार अशी चर्चा होती. यात सूरज पांचोली तिचा हिरो म्हणून दिसणार होता. या सिनेमाचे शूटींग सुरु झाल्याचीही खबर होती. मात्र तूर्तास या चित्रपटाबद्दल काहीही अपडेट नाहीत.
या चित्रपटाचा निर्माता सलमानने या चित्रपटाचा एक मोठा भाग नव्याने शूट करण्याचे सांगितले होते. चित्रपटाची कथा ज्यापद्धतीने पडद्यावर रेखाटली गेली, ती सलमानला आवडली नसल्याची माहिती होती. कदाचित याचमुळे इसाबेलचा डेब्यू रखडला होता.
2019 मध्ये इसाबेलने ‘क्वाथा’ नावाच्या सिनेमाची घोषणा केली होती. यात सलमानचा मेहुणा आयुष शर्मा दिसणार आहे. तिचा हा सिनेमा यावर्षी रिलीज होईल अशी अपेक्षा आहे. अलीकडे इसाबेल ‘माशाल्लाह’ या पंजाबी गाण्याच्या व्हिडीओत दिसली होती.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला whatsapp करा आणि लिहा ‘Hello News’