हॅलो महाराष्ट्र ऑनलाईन । आपल्या सदाबहार व्यक्तिमत्त्वामुळे नेहमीच चर्चेत असणारा अभिनेता मिलिंद सोमण हा सध्या एका वेगळ्या कारणामुळे चर्चेत आला आहे. त्याचे राहणीमान, मॉडेलिंगचे करिअर आणि अभिनय या सर्वांचीच चर्चा असते. आजही तो त्याच्या फिटनेस मुळे अनेकांना भुरळ घालतो. आपल्यापेक्षा वयाने खूपच कमी असणाऱ्या अंकिता कोनवार हिच्याशी लग्न केल्यानंतर तो बायकोसाठी बरंच काही करताना दिसतो आहे. आता तो बायकोच्या इच्छेसाठी केलेल्या एका गोष्टींमुळेच पुन्हा चर्चेत आला आहे.
मिलिंद आणि अंकिताचे कपल गोल्स जरा हटके आहेत. कारण, केवळ प्रेमाच्या आणाभाकांपुतेच सीमीत न राहता ही जोडी शारीरिक सुदृढता, पर्यावरणाचं महत्त्वं, कलेचं महत्त्वं यांची सांगड घालत त्या माध्यमातून अनोखे आदर्श सर्वांपुढं प्रस्थापित करत आहे. नेहमी नवं काहीतरी करत असणाऱ्या मिलिंदने पत्नीची ईच्छा पूर्ण करण्यासाठी शेतकरी रूप धारण केले आहे. त्याने त्याच्या सोशल मीडिया अकॉउंटवरून फोटो पोस्ट करून त्याखाली लिहिले आहे, ‘अखेर….. दाढीवाला शेतकरी…. अंकिताला हवा होता अगदी तसाच’, या पोस्टमुळे त्याच्या पत्नीची ईच्छा पूर्ण करण्यासाठी तो काहीही करू शकतो अशी चर्चा सुरु आहे.
https://www.instagram.com/p/CBUuWyAnpYD/
शेअर करण्यात आलेल्या या फोटोंमध्ये तो घरातच उगवलेल्या एका छोटेखानी शेतामध्ये उगवलेली भाजी तोडताना दिसत आहे. आपणच आपल्या हातांनी उगवलेली ही भाजी तो मोठ्या कौतुकानं सर्वांना दाखवतही आहे. दैनंदिन जीवनशैलीत कायमच लहान कृतींतून आनंद मिळवणाऱ्या मिलिंदनं पत्नीच्या आऩंदासाठी म्हणून घेतलेलं शेतकऱ्याचं रुप चाहत्यांनाही भावलं आहे. त्याच्या पोस्टवर करण्यात आलेल्या असंख्य कमेंट्स हेच सांगून जात आहेत.