नोबेल पारितोषिक विजेते आर. के. पचौरी काळाच्या पडद्याआड ; दीर्घ आजाराने निधन

हॅलो महाराष्ट्र ऑनलाईन । पर्यावरण तज्ज्ञ, दी एनर्जी अँड रिसोर्सेस इन्स्टिटय़ूटचे (टेरी) संस्थापक संचालक आणि नोबेल पारितोषिक विजेते आर. के. पचौरी यांचे गुरूवारी रात्री दिर्घ आजाराने निधन झाले. ते ७९ वर्षांचे होते. मंगळवारपासून पचौरी यांना लाइफ सपोर्ट सिस्टमवर ठेवण्यात आले होते. त्यांच्या निधनाबाबत ‘टेरी’कडून ट्विटरच्या माध्यमातून माहिती देण्यात आली आहे.

Capture

पचौरी हे २००२ ते २०१५ या कालावधीत आंतर-सरकारी पॅनेल ऑन क्लायमेट चेंज (आयपीसीसी) चे अध्यक्ष होते. त्यांच्या कार्यकाळात आयपीसीसीला नोबेल शांतता पुरस्कार देण्यात आला होता. ७९ वर्षांच्या पचौरी यांच्यावर ओपन हार्ट सर्जरी झाली. पचौरीच्या जवळच्या एका नातेवाईकाने सांगितले की गेल्या वर्षी जुलैमध्ये पचौरी यांना मेक्सिकोमध्ये हृदयविकाराचा झटका आला होता. शस्त्रक्रियेनंतर त्यांची प्रकृती गंभीर होती आणि त्याला व्हेंटिलेटरवर ठेवण्यात आले होते. त्यांना हृदयविकाराचा त्रास होता. त्याच्यावर ओपन हार्ट सर्जरी झाली आणि त्यांना व्हेंटिलेटरवर ठेवण्यात आले होते.

पचौरी यांचा जन्म २० ऑगस्ट १९४० रोजी नैनीताल येथे झाला आणि त्यांनी भारतीय रेल्वे इंस्टीट्यूट ऑफ मेकॅनिकल अँड इलेक्ट्रॉनिक अभियांत्रिकी, बिहारमधील जमालपूर येथे शिक्षण घेतले. माजी महिला सहकाऱ्याने पचौरीवर लैंगिक छळाचा आरोप केला होता. त्यानंतर त्यांनी टेरीच्या प्रमुखपदाचा राजीनामा दिला होता.

Get real time updates directly on you device, subscribe now.

x Close

Like Us On Facebook

WP2Social Auto Publish Powered By : XYZScripts.com