पंढरपूर | स्वाभिमानी शेतकरी संघटनेचे नेते खाजदार राजू शेट्टी रात्री बारा वाजता पंढरपूरच्या विठ्ठल मंदिरात दाखल झाले आणि त्यांनी विठ्ठलास अभिषेक घालण्यासाठी मागणी केली. परंतु वारकऱ्यांची दर्शनाची गर्दी पाहता हा अभिषेक नाकारण्यात आला. राजू शेट्टी यांनी नामदेव पायरीवर प्रतिकात्मक विठ्ठल रुक्मिणी च्या मूर्तीला दुधाचा अभिषेक घालून आंदोलनाचा श्रीगणेशा केला आहे.
शिर्डीमध्ये मारुतीच्या मूर्तीला रात्री बारा वाजता दुधाचा अभिषेक घालून आंदोलनाला सुरुवात करण्यात आली आहे. बीडमध्ये सोमेश्वर महादेवाला दुधाचा अभिषेक घालण्यात आला आहे तर अष्टविनायकापैकी असलेल्या थेऊरच्या चिंतामणीला दुधाचा अभिषेक घालून आंदोलनाला सुरुवात करण्यात आली आहे. साडेतीन पिठातील एक असलेल्या कोल्हापूरच्या अंबाबाईला स्वाभिमानी शेतकरी संघटनेच्या महिला आघाडीने अभिषेक घातला आहे तर अर्थपीठ असलेल्या वणीच्या सप्तश्रृंगीच्या मूर्तीला दुधाचा अभिषेक घालून स्वाभिमानीच्या वणी येथील कार्यकर्त्यांनी आंदोलनाला सुरुवात केली आहे.
#Maharashtra: Workers of Swabhimani Shetkari Sangathna, a farmers' organisation, stopped vehicles near Pune early morning today, and prevented milk from being supplied to nearby cities. The organisation is demanding price hike for milk farmers. pic.twitter.com/z2a1D6YwMX
— ANI (@ANI) July 16, 2018
https://platform.twitter.com/widgets.js