पुणे | सिंहगडावर दरड कोसळल्यामुळे सिंहगड किल्ल्यावर जाणारा घाट रस्ता बंद झाला आहे. आज सकाळी सततच्या पावसामुळे घाट रस्तात दरड कोसळली आहे. त्यामुळे सिंहगडावर जाणारी सर्व वाहतूक बंद झाली आहे. सतर्कतेचा मार्ग म्हणून सहा दिवस वाहतूक बंद ठेवून भविष्यात कोसळू शकेल आशा भागांची पहाणी करण्यात येणार आहे. सहा दिवसानंतर रस्ता वाहतुकी साठी खुला करण्यात येणार आहे.
शिवरायांच्या स्वराज्यातील महत्वाचा किल्ला आणि पुण्यापासून अत्यंत जवळ असलेला किल्ला म्हणजे सिंहगड. सुट्टीच्या दिवशी पर्यटकांची सिंहगडावर गर्दी असते. परंतु शनिवार – रविवार या सुट्टीच्या दिवशी दरड कोसळल्याने पर्यटकांचा हिरमोड झाला आहे.
सिंहगड घाटात कोसळली दरड, घाट रस्ता राहणार सहा दिवस बंद
