Breaking | आणखी दोन कैद्यांना कोरोनाची बाधा, साताऱ्यातील कोरोनाग्रस्तांचा आकडा ७७ वर

ताज्या मराठी बातम्यांसाठी आमचा ग्रुप जॉईन करा
WhatsApp Group Join Now
Google News Join Now

सातारा प्रतिनिधी | सकलेन मुलाणी

साताऱ्यात कोरोना विषाणूने मागील ३ दिवसांत थैमान घातलं आहे. जिल्ह्यातील कोरोनाबाधितांचा आकडा ७७ वर गेला असून कराडमधील रुग्णसंख्या आता साठीच्या घरात पोहचली आहे. रविवारच्या ताज्या आकडेवारीनुसार जिल्हा कारागृहातील आणखी दोन कैद्यांना कोरोनाची लागण झाल्यामुळे जिल्ह्यातील कोरोनाबाधितांचा एकूण आकडा आता ७७ वर पोहचला आहे.

तरडगाव येथील एका लहान मुलालाही कोरोनाची बाधा झाल्याचं समोर आलं आहे. जिह्यातील ५ कोरोनामुक्तांना डिस्चार्ज देण्यात आला असून ३ रुग्णांचा कोरोनामुळे मृत्यू झाला आहे. साताऱ्यातील कराड भागात संचारबंदीचे निर्बंध अधिक कडक करण्यात आले आहेत. कराडपाठोपाठ आता सातारा शहर, फलटण आणि जिल्हा कारागृह येथील रुग्णसंख्या वाढताना दिसून येत आहे.

गृहराज्यमंत्री शंभूराज देसाई यांनी नागरिकांना न घाबरण्याचं आवाहन केलं आहे. आरोग्य विभाग आणि प्रशासन योग्य ती खबरदारी घेत असून नागरिकांनी घरातच राहण्याचं आवाहन गृहराज्यमंत्री शंभूराज देसाई यांनी केलं आहे.

Leave a Comment