मुली आणि महिलांकडे वाईट नजरेने बघणार्यांची बोटे कापा – मुख्यमंत्री हरियाणा

ताज्या मराठी बातम्यांसाठी आमचा ग्रुप जॉईन करा
WhatsApp Group Join Now
Google News Join Now

चंदीगढ | आपल्या टिप्पणीने सतत विवादात राहणारे हरियाणाचे मुख्यमंत्री मनोहरलाल खट्टर यांनी पुन्हाएकदा वादात्मक विधान केले आहे. ‘मुली आणि महिलांकडे वाईट नजरेने बघणार्यांची बोटे कापून टाका’ असे खट्टर यांनी जाहीर भाषणात म्हटले आहे. मात्र कार्यक्रम संपल्यावर पत्रकारांनी विचारलेल्या प्रश्नांची उत्तरे देताना त्यांनी या विधानावर पडदा टाकण्याचा प्रयत्न केला. बोटे तोडा याचा अर्थ सक्तीने वागा असे मला म्हणायचे होते असा निर्वाळा खट्टर यांनी यावेळी दिला आहे.
हरियाणा राज्यात बलात्कारावर नव्याने घेतलेले निर्णय लक्ष वेधणारे आहेत. ‘बलात्कारी व्यक्ती शिक्षा भोगून आल्यास कोणत्याही सरकारी योजनेचा लाभ घेऊ शकणार नाही’, ‘कामाच्या ठिकाणी बलात्कार करणाऱ्या अधिकाऱ्याची बदली जामिनावर बाहेर येता क्षणी दुसऱ्या जिल्ह्यात करण्यात येईल’ असे महत्वाचे निर्णय खट्टर सरकारने घेतले आहेत.

Leave a Comment