हॅलो महाराष्ट्र ऑनलाईन । माजी भारतीय अष्टपैलू इरफान पठाणने पाकिस्तान दौऱ्यादरम्यान जावेद मियांदादने केलेल्या वक्तव्यामुळे वडील खूपच निराश झाल्याचे उघड केले आहे.२००३-०४ मध्ये भारतीय संघाने पाकिस्तानचा दौरा केला होता आणि मियांदाद त्यावेळी पाकिस्तान संघाचा प्रशिक्षक होता. त्यावेळी मियांदाद म्हणालेला की पठाणसारखे गोलंदाज पाकिस्तानच्या गल्लीबोळात सापडतात.
मियांदादच्या या टीकेनंतर पठाणचे वडील निराश झाले आणि मालिका संपल्यानंतर त्यांना मियांदादला ड्रेसिंग रूममध्ये भेटायचे होते.
पठाण स्टार स्पोर्ट्स प्रोग्राम क्रिकेट कनेक्टेडमध्ये म्हणाला, “मला आठवते की मियांदाद असे म्हणाले होते माझ्यासारखे गोलंदाज पाकिस्तानच्या प्रत्येक रस्त्यावर सापडू शकतात. माझे वडील आणि मीसुद्धा या बातमीबद्दल वाचले होते,आम्हांला त्यांचे ते बोलणे चांगले वाटले नव्हते. मला आठवते मालिकेच्या शेवटच्या सामन्यात माझे वडील पाकिस्तानात आले होते.ते माझ्याकडे आले आणि म्हणाले की मला मियांदादला पाकिस्तानच्या ड्रेसिंग रूममध्ये भेटायचे आहे आणि मी म्हणालो की तुम्ही तेथे जाऊ नका. ”
माजी अष्टपैलू म्हणाला, “माझ्या वडिलांना मियांदादने पाहताच तो उभा राहिला आणि म्हणाला – मी तुमच्या मुलाबद्दल असे काहीही बोललो नाही.ते ऐकल्यानंतर माझ्या वडिलांच्या चेहऱ्यावर विचित्र हसू उमटले आणि ते म्हणाले,”मी येथे तुला काही सांगण्यासाठी आलेलो नाही. मला फक्त तुला भेटायचे आहे, आपण एक उत्तम खेळाडू होता. “
२००४ च्या या पाकिस्तान दौऱ्यात सौरव गांगुलीच्या नेतृत्वात भारताने पाकिस्तानला कसोटी सामन्यात २-१ आणि एकदिवसीय सामन्यात ३-२ असे पराभूत केले.या पाकिस्तान दौर्‍याचा आपला अनुभव आठवताना पठाण म्हणाला, “तिथे जेवण, ड्रेसिंग रूम स्टोरी, सचिन पाजी यांनी मालिका जिंकल्यानंतर मला गायला सांगितले होते. संपूर्ण संघ एकत्र खेळला आणि तो एक चांगला दौरा होता. “
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.