हॅलो महाराष्ट्र ऑनलाईन । भारत आणि पाकिस्तान यांच्यात अनेक रोमांचक सामने खेळले गेले आहेत, ज्यांच्या आठवणी अजूनही चाहत्यांच्या हृदयात घर करून आहेत.असाच एक सामना भारत आणि पाकिस्तान यांच्यात या दिवशी १८ एप्रिलला म्हणजेच ३४ वर्षांपूर्वी खेळला गेला होता. मात्र या सामन्याच्या आठवणी पाकिस्तानी चाहत्यांना अजूनही दिलासा देतात. त्याचबरोबर भारतीय चाहत्यांसाठी हा सामना जावेद मियांदादने सामन्याच्या शेवटच्या चेंडूवर फटकावलेल्या वेदनादायक षटकाराची आठवण करून देतो.या षटकारासह पाकिस्तानने भारतीय संघाच्या जबड्यांकडून विजय खेचला होता.हेच कारण आहे की हा सामना भारत आणि पाकिस्तान यांच्यातील एक ऐतिहासिक सामना म्हणून गणला जातो.
वास्तविक, भारत आणि पाकिस्तान यांच्यातील हा ऐतिहासिक सामना १८ एप्रिल १९८६ रोजी शारजाह येथे खेळला गेला जो ऑस्ट्रेल-एशिया कपचा अंतिम सामना होता. प्रथम फलंदाजी करताना भारताने ५० षटकांत ७ विकेट गमावून २४५ धावा फटकावल्या होत्या,जी त्या काळी खूप चांगली धावसंख्या मानली जायची. भारताकडून सुनील गावस्करने सर्वाधिक ९२ धावांची खेळी केली होती. त्याच्या व्यतिरिक्त श्रीकांतने ७५ तर दिलीप वेंगसरकरने ५० धावांचे योगदान दिले होते.
भारताच्या २४५ धावांना उत्तर देताना पाकिस्तानची सुरुवात खूपच खराब झालेली होती आणि संघाने ६१ धावांमध्येच ३ गडी गमावले होते. यानंतर जावेद मियांदाद ४ थ्या क्रमांकावर फलंदाजीला आला आणि त्याने संघाची धावसंख्या १०० पर्यंत वाढवली. दरम्यान ११० धावसंख्येवर सलीम मलिक धावबाद झाला. त्यानंतर मियांदादने अब्दुल कादिरबरोबर ५ व्या विकेटसाठी ७१ धावांची भागीदारी केली आणि स्कोअरला २००च्या जवळ नेले. असा एक वेळ अशी होता की पाकिस्तान सामना सहज जिंकू शकेल परंतु नंतर फासे पलटले आणि पाकिस्तानचे उर्वरित ५ खेळाडू एक एक करून बाद होत गेले. मियांदाद मात्र एका टोकावर स्थिर राहिला.
२४२च्या स्कोअरवर पाकिस्तानच्या संघाने ४९.५ षटकांत ९ गडी गमावले होते आणि आता संघाला विजयासाठी शेवटच्या चेंडूवर ४ धावांची गरज होती.जावेद मियांदाद हा शेवटचा चेंडू खेळण्यासाठी फलंदाजीला तयार होता आणि गोलंदाजी चेतन शर्मा करत होता.यावेळी, दोन्ही देशांच्या चाहत्यांच्या आशा त्यांच्या त्यांच्या खेळाडूंवर एकवटल्या होत्या.
चेतन शर्माने अखेरचा चेंडू यॉर्कर करण्याचा प्रयत्न केला पण तो पूर्णपणे फसला आणि त्याचा फायदा घेत मियांदादने या चेंडूला षटकारासाठी प्रेक्षकांमध्ये भिरकावून दिला आणि अशाप्रकारे पाकिस्तानने प्रथमच एका मोठ्या स्पर्धेच्या फायनलमध्ये भारताला पराभूत करण्यात यश मिळवले.या सामन्यात जावेद मियांदादने नाबाद १०६ धावांची खेळी केली.
एकीकडे या षटकाराने जावेद मियांदादला पाकमध्ये लोकप्रियतेच्या शिखरावर नेले तर त्याचवेळी दुसरीकडे चेतन शर्माच्या क्रिकेट कारकिर्दीत कधीही न पुसला जाणारा डाग लागला.जावेदने आपल्या आत्मचरित्रात या घटनेचा उल्लेख करताना असे लिहिले की, “मी विचार करीत होतो की चेतन यॉर्कर गोलंदाजी करण्याचा प्रयत्न करेल, म्हणून मी आधीच क्रीझमधून बाहेर आलो होतो आणि चेंडूला फुलटॉस बनवून मैदानात बिरकावुन दिला होता.मला वाटते चेतन शर्मा हा षटकार कधीच विसरणार नाही.”
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.