नवी दिल्ली । भारतीय सैन्याची गुप्त माहिती मिळविण्याचा आयएसआय चा डाव लष्करी तपास यंत्रणांनी आणि पोलिसांनी उधळून लावला आहे. पाकिस्तानी उच्चायुक्त कार्यालयात व्हिसा अधिकारी म्हणून काम करणारा अबिद हुसेन हे काम करत असल्याची माहिती मिळाली आहे. त्याने त्याच्या संपर्कात असलेल्या भारतीय व्यक्तीला भारतीय तपास यंत्रणापासून वाचण्यासाठी व्हाट्सअप अप्लिकेशन चा वापर करण्यास सांगितले होते. म्हणजे तो तपास यंत्रणेच्या नजरेत येणार नाही. मात्र भारतीय लष्करी गुप्तचर यंत्रणेने त्याला प्रलोभन देण्यासाठी हा डाव मांडला असल्याची त्याला कल्पनाही नव्हती.
भारतीय गुप्तचर यंत्रणा त्याच्या मागावर आहेत हे त्याला माहीतही नव्हते. अबिदने एका माणसाला हेरले होते. तो लष्करात असल्याचा त्याचा समज होता. लष्करात व्हाट्सअप वापरण्याची परवानगी नाही असे म्हंटल्यावर अबिद हुसेनने त्या व्यक्तीला लपून छपून व्हाट्सअप वापरायला सांगितले. लष्करातील कनिष्ठ अधिकाऱ्यांना पकडून त्यांच्याकडून भारतीय सैन्याच्या हालचाली काय आहेत हे जाणूनघ्यायचा त्याचा प्रयत्न होता. अशी माहिती सूत्रांकडून मिळाली आहे. या प्रकरणात [पाकिस्तान उच्चायुक्त कार्यालयातील ३ अधिकाऱ्यांना अटक करण्यात आली आहे.
भारतीय लष्करी गुप्तचर यंत्रणा आणि दिल्ली पोलिस यांच्या विशेष पथकाने हे ऑपरेशन केले आहे. भारत आणि पाकिस्तान मध्ये आधीच मोठ्या प्रमाणात तणाव आहेत. या प्रकरणानंतर तो आणखी वाढला आहे. अबिद हुसेन आणि ताहीर खान या दोघांना परराष्ट्र मंत्रालयाने तात्काळ देश सोडून जाण्याचा सल्ला दिला आहे. अशाचप्रकारे २०१६ साली पाकिस्तानच्या राजनैतिक अधिकाऱ्यांचीही पुन्हा रवानगी करण्यात आली होती. या प्रकरणी ऑफिशिअल सिक्रेट कायद्यांतर्गत एफआयआर दाखल करण्यात आली आहे.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.