हॅलो महाराष्ट्र ऑनलाईन । मनोरंजन क्षेत्र प्रचंड चमक असणारे क्षेत्र आहे असे म्हणतात. भले भले यामध्ये गुंतून जातात आणि जेव्हा वास्तवाचे भान होते तेव्हा निराश होतात. अभिनय क्षेत्रात आपले नशीब अजमावायला मुंबईत आलेली अभिनेत्री प्रेक्षा मेहता हिच्यासोबत असेच काहीसे झाल्याचे प्रथमदर्शनी वाटते आहे. कोरोनामुळे इंदौर ला आपल्या आईवडिलांकडे काही दिवसांसाठी गेलेल्या प्रेक्षाने गळफास घेऊन आत्महत्या केल्याचे समोर आले आहे. यामागचे नेमके कारण अद्याप समजू शकले नाही.
https://www.instagram.com/p/CAe5DhIlnSI/?utm_source=ig_web_copy_link
आपल्या सोशल इंस्टाग्राम अकॉउंट वर मृत्यूच्या रात्री तिने एक स्टोरी पोस्ट केली आहे ज्यामध्ये ती म्हणते आहे, “सगळ्यात वाईट असते माणसाची स्वप्ने मरून जाणे” तिच्या या स्टेट्सवरून ती नैराश्यात होती असे दिसून येते. गेले काही दिवस ती काम मिळत नसल्याने नैराश्यात होती हे तिच्या एकूण वागण्यावरून दिसत होते. या नैराश्यातच तिने आत्महत्या केली असल्याचे तिच्या कुटुंबियांचे म्हणणे आहे.
https://www.instagram.com/p/B9joQ0zFbxL/?utm_source=ig_web_copy_link
सोमवारी रात्री ती सर्वांशी बोलून तिच्या खोलीत गेली काहीवेळ तिचा मोबाईल वापरत होती. सकाळी जेव्हा तिचे वडील तिच्या खोलीत गेले तेव्हा तिने गळफास लावल्याचे निदर्शनास आले. तिला तातडीने दवाखान्यात नेले असता तिचा मृत्यू झाल्याचे डॉक्तरांनी सांगितले. मुंबईतील संचारबंदीमुळे ती आपल्या गावी आई-वडिलांकडे गेली होती.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News.”