पुढे बोलताना फडणवीस म्हणाले की, पंकजा मुंडे यांच्याशी आम्ही संवाद साधू. पंकजा मुंडे यांना जेव्हा जेव्हा टार्गेट केलं गेलं तेव्हा मी कायमच त्यांच्या बाजूने उभा राहिलो आहे. त्यामुळे माझ्या मनात पंकजा मुंडे यांच्याबाबत आदराचीच भावना आहेच, ती आजही आहे, उद्याही राहिल. तसेच यावेळी खडसेंबद्दल विचारलं असता एकनाथ खडसे यांनी ज्या गोष्टी गोपीनाथ गडावरील मेळाव्यात बोलून दाखवल्या त्या त्यांनी मांडायला नको होत्या असंही देवेंद्र फडणवीस यांनी म्हटलं आहे.
दरम्यान भाजपात ओबीसींवर अन्याय होत असल्याच्या चर्चेवर देखील फडणवीसांनी भाष्य केलं आहे. ‘भाजपा हा ओबीसींचाच पक्ष आहे आणि कायम ओबीसींचा पक्ष राहिल. सर्वाधिक ओबीसी मंत्री भाजपाच्या सरकारमध्ये होते. ओबीसी मंत्रालय स्थापन झालं तेदेखील भाजपाच्याच सरकारमध्ये असंही फडणवीस यांनी म्हटलं आहे
