Tuesday, January 31, 2023

धनतेरस – दिवाळीपूर्वी स्वस्तात सोने खरेदी करण्याची संधी देत आहे सरकार, सवलतीसह उपलब्ध आहेत अनेक फायदे

- Advertisement -

नवी दिल्ली | धनतेरस-दिवाळीच्या अगोदरच केंद्र सरकार तुम्हाला सोन्यात गुंतवणूक करून पैसे मिळवण्याची मोठी संधी देत ​​आहे. सरकारची सोव्हरेन गोल्ड बाँड योजना 2020-21 (Sovereign Gold Bond Scheme 2020-21) सी​रीज VIII चे सब्सक्रिप्शन सोमवार 9 नोव्हेंबरपासून सुरू होईल. 13 नोव्हेंबरपर्यंत गुंतवणूकदारांना याचे सब्सक्रिप्शन घेण्याची संधी आहे. यावेळी, आरबीआयने सोन्याची किंमत प्रति ग्रॅम 5,177 रुपये निश्चित केली आहे. तसेच ऑनलाइन अर्ज करणार्‍यांना आणि डिजिटल पेमेंट करणार्‍यांना प्रति ग्रॅम 50 रुपयांची सूटही मिळणार आहे.

डिजिटल पेमेंट करणार्‍यांसाठी ही किंमत प्रति ग्रॅम 5,127 रुपये असेल. यापूर्वी 12 ऑक्टोबरला जारी केलेल्या सोन्याच्या बाँडची किंमत प्रति ग्रॅम 5,051 रुपये होती. सरकारच्यावतीने रिव्हर्व्ह बॅंकेकडून सोव्हरेन गोल्ड बॉण्ड जारी केले जातात. भारतीय बुलियन अँड ज्वेलर्स असोसिएशनने (IBJA) प्रकाशित केलेल्या सरासरी बंद किंमतीच्या आधारे आरबीआयने गोल्ड बाँडच्या खाली सोन्याची किंमत निश्चित केली आहे. हे 999 % शुद्धतेच्या सोन्यासाठी आहे.

- Advertisement -

आपण किती गुंतवणूक कराल?
गुंतवणूकदार किमान 1 ग्रॅम सोने घेऊन या सॉव्हरेन गोल्ड बाँडमध्ये गुंतवणूक करु शकतात. तसेच स्वतंत्रपणे 4 किलो पर्यंत सोन्याची गुंतवणूक केली जाऊ शकते. याचा मॅच्युरिटी कालावधी 8 वर्षे आहे. गुंतवणूकीच्या पाचव्या वर्षापासून या योजनेतून बाहेर पडण्याचा पर्याय उपलब्ध आहे.

गोल्ड बाँडमध्ये गुंतवणूक कशी करावी?
या गोल्ड बाँडमध्ये गुंतवणूक बँका, स्टॉक होल्डिंग कॉर्पोरेशन ऑफ इंडिया, पोस्ट ऑफिस आणि स्टॉक एक्सचेंज (BSE, NSE) मार्फत केली जाऊ शकते. छोट्या फायनान्स बँका आणि पेमेंट बँकांमार्फत त्यात गुंतवणूक करण्याचा कोणताही पर्याय नाही.

2.5% वार्षिक व्याज
सोन्याच्या बाँडलाही वार्षिक 2.50 टक्के व्याज मिळते. सोन्याच्या बाँडमध्ये गुंतवणूकीची सर्वात महत्वाची बाब म्हणजे आपल्याला त्याच्या स्टोरेजबद्दल काळजी करण्याची गरज नाही. डीमॅटमध्ये ठेवण्यावर कोणताही जीएसटी देखील देय नाही. त्यात सोन्याच्या बाँडच्या मॅच्युरिटी वर भांडवली नफा झाला तर त्यावर सूट दिली जाईल. सोन्याच्या बाँडवरील हा एक विशेष फायदा आहे.

फिजिकल गोल्डची मागणी कमी करण्यासाठी सरकारने 2015 मध्ये सॉव्हरेन गोल्ड बाँड योजना सुरू केली. रिझर्व्ह बॅंकेच्या वार्षिक अहवालानुसार 2019-20 मध्ये सॉव्हरेन गोल्ड बाँडच्या 37 भागांतून एकूण 9,652.78 कोटी रुपयांचे 30.98 टन सोने सोडण्यात आले आहे.

ब्रेकिंग बातम्या मोबाईलवर मिळवण्यासाठी आम्हाला 7875002893 या नंबरला WhatsApp करा आणि लिहा “Hello News”.