इलेक्ट्रिक विमान ते चंद्रावर शहर… ; एलोन मस्क यांच्या डोक्यातील ‘या’ 5 कल्पनांचा तुम्ही विचारही केला नसेल

हॅलो महाराष्ट्र ऑनलाइन | जगातील श्रीमंत व्यक्ती एलोन मस्क सध्या जोरदार फॉर्मात आहेत. एलोन मस्क यशाच्या अशा शिखरावर आहेत की ते ज्या गोष्टीला स्पर्श करतील ते सोने बनेल. 246 अब्ज डॉलर्सच्या संपत्तीचे मालक… दिग्गज दक्षिण आफ्रिकन-कॅनेडियन-अमेरिकन व्यापारी, गुंतवणूकदार, अभियंता, … टेस्ला, न्यूरोलिंक, स्पेसएक्स, द सारख्या कंपन्यांचे मालक.. एलोन मस्क यांच्या यशाचा स्तर दिवसेंदिवस वाढतच चालला आहे. विज्ञान आणि तंत्रज्ञानात इतके मग्न राहतात की जगात घडणाऱ्या प्रत्येक नवीन गोष्टीला त्यांचे नाव आपोआपच जोडले जाते.

आज, इलॉन मस्क यांच्या कंपन्या पुढच्या पिढीतील अनेक प्रकारचे नवनवीन शोध लावत आहेत, जे आगामी काळात आपले जीवन पूर्णपणे बदलू शकतात.. एलोन मस्कची भविष्यातील योजना काय आहे? हे आज आपण जाणून घेऊयात. एलोन मस्क यांनी भविष्यात अशी काही स्वप्ने बघितली आहेत ज्याचा तुम्ही कधी स्वप्नातही विचार केला नसेल.

1.रॉकेट तंत्रज्ञानाद्वारे एका ग्रहावरून दुसऱ्या ग्रहापर्यंतचा प्रवास

एलोन मस्क यांच्यावर टाइम ट्रॅव्हलच्या संकल्पनेचा खूप प्रभाव पडला आहे. 2018 मध्ये, एलोन मस्कने घोषणा केली की मी लवकरच मंगळावर जाण्याची 70 टक्के शक्यता आहे. इलॉन मस्क यांचा असा विश्वास आहे की रॉकेट तंत्रज्ञानाद्वारे त्यांना एका ग्रहावरून दुसऱ्या ग्रहापर्यंतचा प्रवास सोपा करायचा आहे. ते पृथ्वीपासून मंगळावर, चंद्रापर्यंत आणि त्यापलीकडे तंत्रज्ञानाद्वारे मानवांसाठी सोपे बनवण्याच्या दिशेने काम करत आहेत. हे केवळ स्वप्नच नाही, तर मस्कने यायासाठी पाऊलही उचलली आहेत. यासाठी 2002 साली मस्क यांनी SpaceX कंपनीची स्थापना केली. जी एअरस्पेस उत्पादक आणि अंतराळ पर्यटन सेवा कंपनी आहे. 2020 मध्ये, स्पेसएक्स ही मानवाला अंतराळात पाठवणारी पहिली खाजगी कंपनी बनली. 2023 मध्ये, SpaceX जपानी अब्जाधीश Yusuku Maezawa सह 8 लोकांना अंतराळ यात्रा करण्याची तयारी करत आहे.

2. चंद्र आणि मंगळावर शहरे

माणूस मंगळावर कधी पर्यंत होईल या प्रश्नाचे उत्तर देताना इलॉन मस्क म्हणाले 2029 सालापर्यंत… मस्क यांनी भाकीत केले आहे की 2060 सालापर्यंत लाखो लोक मंगळावर राहणार आहेत. त्यांचे असे मत आहे की, पृथ्वीसोबतच आपल्याला बहु-ग्रहांचे जग निर्माण करण्याची गरज आहे. मानव फक्त पृथ्वीवरच का राहिल ? जर पृथ्वीला काही बाह्य शक्तीचा धोका असेल तर अशा परिस्थितीत मानवाचे अस्तित्व पुसले जाणार नाही. एलोन मस्क यांना चंद्र आणि मंगळावर संपूर्ण शहर वसवायचे आहे. याशिवाय, त्याच्या SpaceX कंपनीच्या माध्यमातून, त्याला पृथ्वी आणि मंगळाच्या दरम्यानच्या हालचालीसाठी एक सुलभ वाहतूक सेवा देखील स्थापित करायची आहे जेणेकरून या ग्रहांवर वारंवार उड्डाणे होतील.

3) मानवी मेंदूला मशीनशी जोडणार-

2016 मध्ये, एलोन मस्कने न्यूरालिंक कंपनीची स्थापना केली. हे मानवी मेंदू आणि संगणकाचा इंटरफेस विकसित करण्याच्या दिशेने कार्य करते. यासाठी एलोन मस्क यांना मशिन, स्मार्टफोन इत्यादी मानवी मनाशी जोडायचे आहेत. इलॉन मस्क यांनी आर्टिफिशियल इंटेलिजन्सवर काम करण्यासाठी २०१५ मध्ये ओपन एनआयची स्थापना केली. कृत्रिम बुद्धिमत्तेद्वारे मानवी जीवन सुकर करण्याच्या मार्गांवर संशोधन करणारी ही संस्था आहे. तथापि, एलोन मस्क कृत्रिम बुद्धिमत्ता आणि रोबोट्सच्या धोक्यांपासून सावधगिरी बाळगतात. उलट, 2014 मध्ये त्यांच्या एका ट्विटमध्ये एलोन मस्कने एआयला अण्वस्त्रांपेक्षाही मोठा धोका म्हटले होते.

4) सेल्फ ड्रायव्हिंग कार

कल्पना करा की तुम्ही कारमध्ये बसला आहात आणि कार चालवत असताना तुम्हाला तुमच्या झोपेत झोपण्याची सुविधा देखील मिळते. एलोन मस्क यांनी स्व-ड्रायव्हिंग तंत्रज्ञानावर पूर्ण भर दिला आणि लवकरच टेस्लाच्या सर्व कार स्वयं-ड्रायव्हिंग तंत्रज्ञानाच्या असतील अशी घोषणा केली. टेस्लाच्या तंत्रज्ञानाची ताकद अशी आहे की, आज जगात कोणतीही नवीन कार लॉन्च झाली, तर कोणतीही कंपनी टेस्ला फीचर्स असल्याचा दावा करतेच . 2017 मध्ये, एलोन मस्कने भाकीत केले होते की 10 वर्षांमध्ये बहुतेक कार इलेक्ट्रिक कार असतील. आज ५ वर्षांनंतर जगभरात इलेक्ट्रिक कारच्या लॉन्चिंगचा जोर आहे. आज जेव्हा जग प्रदूषणापासून मुक्ती मिळवण्यासाठी आणि पेट्रोल-डिझेलच्या किमती वाढल्याने इलेक्ट्रिक कारकडे वाटचाल करत आहे, तेव्हा इलॉन मस्कची कंपनी टेस्लाच्या इलेक्ट्रिक कार्स आधीच या दिशेने वाटचाल करत आहेत.

5) इलेक्ट्रिक विमानाचे स्वप्न

आपण इलेक्ट्रिक कारबद्दल बोलतो पण एलोन मस्क इलेक्ट्रिक विमानांबद्दलही बोलतात . इलॉन मस्क म्हणतात की आपण आता जमिनीवरील वाहतुकीत क्रांती घडवून आणण्याच्या प्रक्रियेत आहोत, परंतु इलेक्ट्रिक विमानाचे स्वप्न देखील एक दिवस पूर्ण होईल. यासाठी बॅटरीच्या तंत्रज्ञानावर अधिक काम करावे लागणार आहे. इलॉन मस्क त्यांच्या क्रांतिकारी योजना आणि कल्पनांमुळे आज आघाडीवर आहेत. एलोन मस्क जोखीम घेण्यास घाबरत नाही. मग ते आर्थिकदृष्ट्या असो किंवा वैज्ञानिक प्रयोग म्हणून.