हॅलो महाराष्ट्र ऑनलाईन । पॅकेज्ड कंझ्युमर गुड्स कंपनी डाबर इंडिया कंपनीने नुकत्याच सुरू केलेल्या इम्यूनिटी बूस्टर उत्पादनांची विक्री वाढविण्यासाठी काही शहरांमध्ये ‘इम्यूनिटी व्हॅन’ तयार केली आहे. ही शहरे लखनौ, कानपूर, वाराणसी, इंदूर, भोपाळ, नागपूर आणि जबलपूर अशी आहेत. वास्तविक, कोविड -१९ महामारीच्या दरम्यान, लोकं त्यांची प्रतिकारशक्ती वाढविण्यासाठी विविध उत्पादने वापरत आहेत. अशा उत्पादनांमध्ये लोकांची आवड वाढली असून, त्या दृष्टीने कंपनीने नुकतीच अशी अनेक उत्पादने बाजारात आणली आहेत.
यात रियल फ्रुट ज्युस, च्यवनप्राश आणि पॅकेज्ड हनीसारखी उत्पादने या ‘इम्यूनिटी व्हॅन’वर उपलब्ध आहेत. ही उत्पादने सर्वसामान्यांना सहज उपलब्ध व्हावीत म्हणूनच त्यांनी हे पाऊल उचलले असल्याचे कंपनीने म्हटले आहे. या उत्पादनांच्या मागणीत मोठी वाढ झाली आहे. म्हणूनच बर्‍याच कंपन्या रोग प्रतिकारशक्ती वाढविण्याशी संबंधित उत्पादने बाजारात आणत आहेत.
सहज ग्राहकांपर्यंत पोहोचण्याचा प्रयत्न करीत आहे
डाबर इंडिया मार्केटींगचे सीनियर जनरल मॅनेजर मीनू फेक म्हणतात की, ग्राहक सतत दर्जेदार आयुर्वेदिक रोग प्रतिकारशक्ती वाढविणार्‍या उत्पादनांचा शोध घेत असतात. तसेच, लोक जास्त गर्दीच्या ठिकाणी जाण्यास कचरतात. हे लक्षात घेता कंपनीने ‘इम्यूनिटी व्हॅन’ सुरु करण्याचा निर्णय घेतला आहे जेणेकरुन अशी उत्पादने व्हॅनशिवाय सहज मिळू शकतील.
बाटा आणि लेवीसारख्या कंपन्यांनीही अशीच पावले उचलली आहेत. या कंपन्या त्यांची विक्री वाढविण्यासाठी Residential Complexes मध्ये वाहनांच्या माध्यमातून त्यांचे उत्पादन विकत आहेत.
या शहरांमध्ये इम्यूनिटी व्हॅन सुरु करण्यात आलेल्या आहेत
डाबरने पहिल्या टप्प्यात लखनौ, कानुपर, वाराणसी, इंदूर, भोपाळ, नागपूर, जबलपूर, लुधियाना, बिलासपूर, जयपूर, पटना आणि रायपरमध्ये अशा १२ व्हॅन उभ्या केल्या आहेत. निवासी वस्ती, सरकारी कार्यालये अशा ठिकाणी या वॅन उभारल्या जात आहेत.
ही उत्पादने ‘इम्यूनिटी व्हॅन’वर उपलब्ध आहेत
डाबर इंडिया ‘इम्यूनिटी व्हॅन’द्वारे विस्तारत असलेल्या उत्पादनांमध्ये डाबर च्यवनप्राश, गिलॉयच्या घनवती गोळ्या, अश्वगंधा कॅप्सूल, इमुडाब सिरप सारख्या उत्पादनांचा समावेश आहे. कंपनीने अलीकडे आमला जूस, गिलोअर, गिलॉय-कडुनिंब-तुळशी ज्यूस, तुळशी आणि हळद ड्रॉप अशी उत्पादने बाजारात आणली आहेत. या ‘इम्यूनिटी व्हॅन’द्वारे देखील उपलब्ध केल्या जात आहेत.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.