बजाज हाउसिंग फायनान्स लिमिटेडने आपले व्याज दर केले कमी, आता नवीन ग्राहकांना मिळणार स्वस्त होम लोन

नवी दिल्ली । कोरोना संकटाच्या कठीण काळात सार्वजनिक आणि खासगी क्षेत्रातील बँकांनंतर (PSBs & Private Banks) आता बजाज हाऊसिंग फायनान्स लिमिटेडनेही (BHFL) आपल्या गृह कर्जावरील व्याज दरात कपात करण्याची घोषणा केली आहे. बजाज फायनान्स लिमिटेडच्या या सहयोगी कंपनीने म्हटले आहे की, आता होम लोनवरील व्याज दर 6.90 टक्क्यांपासून सुरू होतील. जर आपणास सोप्या शब्दात समजून घ्यायचे असेल तर आता ग्राहक स्वस्त दरात BHFL कडून होम लोन घेऊन आपल्या घराचे स्वप्न साकार करण्यास सक्षम असतील.

ग्राहकांना अशा प्रकारे मिळतील थेट फायदे
व्याजदरात कपात केल्यामुळे आता लोकांसाठी घर खर्च (House Cost) कमी होणार असल्याचे BHFL ने सांगितले. त्याच वेळी, त्यांना दरमहा कमी EMI द्यावा लागेल, जेणेकरून त्यांचे मंथली बजेटला देखील त्रास होणार नाही. याशिवाय कर्जाची मुदत संपेपर्यंत त्यांना व्याज म्हणून भरलेल्या रकमेमध्येही मोठा फायदा होईल. व्याजदरामध्ये होणारी प्रत्येक कपात थेट कर्जाची किंमत कमी करते आणि ग्राहकांना फायदा करते असे कंपनीने म्हटले आहे. वेगवेगळ्या मूल्याच्या कर्जावर व्याज दर स्वतंत्र ठेवण्यात आला असल्याचे कंपनीने म्हटले आहे.

नवीन दरांवर होम लोन घेऊन अशी बचत होईल
बजाज हाऊसिंग फायनान्स लिमिटेडच्या मते, एखाद्या व्यक्तीने 30 वर्षांच्या कालावधीत 1 कोटी रुपये होम लोन 6.90 टक्के व्याजदराने घेतले असेल तर त्याला दरमहा 65,860 रुपये द्यावे लागतील. त्या आधारावर, कर्जाचा कालावधी संपेपर्यंत त्याला एकूण 1,37,09,606 रुपये द्यावे लागतील. त्याच वेळी, जर एखादी व्यक्ती समान कालावधीसाठी समान होम लोन 7 टक्के दराने घेत असेल तर त्याला दरमहा 66,530 रुपये द्यावे लागतील अर्थात शेवटपर्यंत त्याने 1,39,50,889 रुपये दिले आहेत. जर आपल्याला सोप्या शब्दात समजून घ्यायचे झाले तर नवीन दरांवर कर्ज घेतल्यास त्याचे 2,41,283 रुपये वाचतील.

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.

Get real time updates directly on you device, subscribe now.

You might also like
x Close

Like Us On Facebook