नवी दिल्ली । एव्हरस्टोर ग्रुपची प्रायव्हेट इक्विटी कंपनी असलेल्या बर्गर किंग इंडिया (Burger King India) या कंपनीने शुक्रवारी आपल्या IPO ची प्राइस बँड निश्चित केली आहे. बर्गर किंगचा आयपीओ प्राइस बँड प्रति शेअर 59-60 रुपये आहे. बर्गर किंगचा आयपीओ पुढील महिन्यात 2 डिसेंबर रोजी येणार आहे. या प्रस्तावित आयपीओद्वारे बर्गर किंग 810 कोटी रुपये जमा करणार आहे. यासाठी कंपनी 450 कोटी रुपयांचे शेअर्स जारी करेल. दुसरीकडे QSR एशिया प्रायव्हेट लिमिटेडची प्रमोटर कंपनी 6 कोटी शेअर्सची विक्री करेल. यासह प्राइस बँडच्या अप्पर एंडला 360 कोटी रुपये उभे करण्याची योजना आहे.
निधी कोठे वापरला जाईल
बर्गर किंग आपल्या इश्यूद्वारे 810 कोटी रुपये जमा करीत आहे. हा फंड कंपनी नवीन रेस्टॉरंट्स उघडण्यासाठी तसेच रीपेमेंट किंवा प्रीपेमेंट करण्यासाठी वापरेल. या IPO च्या आधी कंपनीने ब्लिक मार्केट इनवेस्टर अमांसा इनवेस्टमेंट्स कडून 92 कोटी रुपये जमा केले आहेत. कंपनीकडून अमांसाला प्रति शेअर 58.5 रुपयांचे वाटप करण्यात आले आहे.
कंपनी काय करते?
कंपनीने नोव्हेंबर 2014 मध्ये भारतात पहिले रेस्टॉरंट उघडले. आज, कंपनीचे भारतातील 17 राज्ये आणि केंद्रशासित प्रदेशांमध्ये 261 रेस्टॉरंट्स आहेत. ही रेस्टॉरंट्स 57 शहरांमध्ये आहेत. डोमिनोचा पिझ्झा विक्रीच्या बाबतीत वित्तीय वर्ष 2020 मध्ये 21 टक्के बाजारासह क्यूएसआर सब-सेगमेंटमध्ये प्रथम आला. मॅक्डॉनल्ड्स (11 टक्के) दुसर्‍या, केएफसी (10 टक्के) तिसरे आणि सबवे (6 टक्के) चौथ्या क्रमांकावर होते. त्याच वेळी, ओएसआर सब-सेगमेंटमध्ये बर्गर किंगचा वाटा 5 टक्के होता.
पहिले IPO साठी अर्ज केला
नोव्हेंबर 2019 मध्ये यापूर्वी कंपनीने IPO साठी सेबीकडे ड्राफ्ट दाखल केला होता. तेव्हा कंपनीने जाहीर इश्युद्वारे 400 कोटी रुपये जमा करण्याविषयी सांगितले होते. यामध्ये क्यूएसआर आशियाने 6 कोटी इक्विटी शेअर्सचे ऑफर फॉर सेल दिले. तथापि, यावेळी फ्रेश इश्यूचे साईज वाढविण्यात आले आहे.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.