नोकरी करणार्‍यांसाठी मोठी बातमी, EPFO ने सांगितले की,’या’ छोट्याशा चुकीमुळे आपले बँक खाते रिकामे केले जाऊ शकते

हॅलो महाराष्ट्र ऑनलाईन । सध्याच्या कोरोना काळात सायबर क्राइमच्या घटनांमध्ये वाढ होत आहे. फसवणूक करणारे लोक नवीन मार्गांनी फसवणूक करण्याचा प्रयत्न करत असतात. त्यामुळे आपल्याकडून झालेली एक चूक आपले मोठ्या प्रमाणात नुकसान करू शकते. वाढत्या सायबर क्राईमच्या पार्श्वभूमीवर कर्मचारी भविष्य निर्वाह निधी संघटनेने (EPFO) याबाबत अलर्ट जारी केला आहे. EPFO ने एका ट्वीटद्वारे इशारा दिला आहे की, फोनद्वारे किंवा सोशल मीडियावर वैयक्तिक माहिती शेअर करणे टाळता येईल. आपले खाते फक्त एका लहान चुकीमुळे रिकामे केले जाऊ शकते. आपण याबाबदल EPFO च्या टोल फ्री क्रमांकावर आपण थेट तक्रार देखील दाखल करू शकता. EPFO चा टोल फ्री क्रमांक 1800118005 आहे जो आठवड्याच्या प्रत्येक दिवशी 24 तास चालू असतो.

EPFO ने आपल्या ट्विटमध्ये म्हटले आहे की, सोशल मिडीया किंवा फोनवर आधार नंबर, यूएन नंबर, पॅन कार्ड नंबर, बँक खाते क्रमांकाशी संबंधित वैयक्तिक माहिती शेअर करू नका. संस्था अशा कोणालाही त्यांची वैयक्तिक माहिती विचारत नाही.

 

स्टेट बँक ऑफ इंडियानेही सतर्क केले
काही काळापूर्वी स्टेट बँक ऑफ इंडियाने (SBI) देखील आपल्या ग्राहकांना सतर्कतेचा इशारा दिला होता. बँकेने याबाबतीत म्हटले होते की त्यांचे कोणतेही कर्मचारी ग्राहकांना त्यांचे बँक खाते, इंटरनेट बँकिंग यूजर आयडी, पासवर्ड, CVV नंबर, ओटीपी इत्यादी फोन, एसएमएस, ईमेल इत्यादीद्वारे विचारत नाहीत. म्हणून त्यांना शेअर करणे टाळा. तसेच, सोशल मीडिया प्लॅटफॉर्मवर वैयक्तिक माहिती ठेवू नका.

तसेच ‘या’ पद्धतींनीही फसवणूक केली जात आहे

एटीएम कार्ड क्लोनिंग – सायबर सुरक्षा तज्ज्ञांचे म्हणणे आहे की पूर्वी सामान्य कॉलद्वारे फसवणूक केली जात होती, परंतु आता डेटा चोरी करून खात्यातून पैसे काढले जात आहे. हायटेक झालेल्या या ठगांनी आता कार्डचे क्लोनिंग करणे सुरू केले आहे. एटीएम कार्ड लोकांच्या खिशातच असते आणि हे ठग पैसे काढून मोकळे होतात. एटीएम क्लोनिंगद्वारे आपल्या कार्डाची संपूर्ण माहिती चोरली जाते आणि त्याचे डुप्लिकेट कार्ड बनविले जाते. म्हणून, एटीएम वापरताना दुसर्‍या हाताने पिन घाला.

यूपीआयद्वारे फसवणूक – युनिफाइड पेमेंट इंटरफेसद्वारे कोणालाही पैसे सहजपणे पाठविले किंवा मागविले जाते. यूपीआयच्या माध्यमातून, हे ठग एखाद्या व्यक्तीला डेबिट लिंक पाठवितात. आपण त्या लिंकवर क्लिक करताच आणि आपला पिन टाकताच त्या खात्यातून पैसे कापले जातात. हे टाळण्यासाठी अज्ञात डेबिट रिक्वेस्ट त्वरित डिलीट केली जावी. अनोळखी लोकांनी पाठविलेल्या लिंकवर क्लिक करू नका.

कार्डच्या डेटाची चोरी– एटीएम कार्डचा डेटा तयार करण्यासाठी फसवणूक करणारे लोक कार्ड स्कीमर वापरतात. याद्वारे, फसवणूक करणारे कार्ड रिडरच्या स्लॉटमध्ये डेटा चोरीचे उपकरण ठेवतात आणि डेटा चोरून घेतात. याशिवाय बनावट बोर्डाच्या माध्यमातूनही डेटा चोरला जातो. जर आपण एखादे दुकान किंवा पेट्रोल पंपावर आपले क्रेडिट कार्ड स्वाइप करीत असाल तर हे लक्षात घ्या की कर्मचारी आपल्या डोळ्यांसमोरून आपले कार्ड तर घेऊन जात नाही ना.

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.

 

Get real time updates directly on you device, subscribe now.

You might also like
x Close

Like Us On Facebook

WP2Social Auto Publish Powered By : XYZScripts.com