हॅलो महाराष्ट्र । अर्थ मंत्रालयाने जाहीर केलेल्या आकडेवारीनुसार सप्टेंबरमधील जीएसटी कलेक्शन (GST collection in September 2020) जुलैच्या तुलनेत 86449 कोटी रुपयांवरून वाढून 95480 कोटींवर गेला आहे. त्याच वेळी जुलैमध्ये ही नोंद 87,422 कोटी रुपये इतकी होती. अशा प्रकारे जुलैच्या तुलनेत सरकारने ऑगस्टमध्ये जीएसटीमधून 973 कोटी रुपये कमी कमावले. जूनपर्यंत जीएसटी कलेक्शन 90,917 कोटी रुपये होते.
सप्टेंबरमध्ये जीएसटी कलेक्शन वाढला – अर्थ मंत्रालयाने जाहीर केलेल्या आकडेवारीनुसार सीजीएसटी क्लेक्शन 15906 कोटी रुपयांवरून 17,741 कोटी रुपयांवर गेली आहे. त्याचबरोबर एसजीएसटी कलेक्शन 21064 कोटी रुपयांवरून 23131 कोटी रुपयांवर गेली आहे. याशिवाय जीएसटी सेस क्लेक्शन 7215 कोटी रुपयांवरून 7124 कोटी रुपयांवर आला आहे.
जीएसटीचा महसूल का कमी झाला?
लोकसभेत एका प्रश्नाला लेखी उत्तर देताना अर्थ राज्यमंत्री अनुरागसिंग ठाकूर म्हणाले की, GDP च्या उत्पन्नाचा हा अंदाज वित्तीय वर्ष 2020-21 मधील GDP च्या चांगल्या वाढीवर आधारित होता. परंतु, कार्यालयाने नुकत्याच जाहीर केलेल्या आकडेवारीनुसार पहिल्या तिमाहीत नॉमिनल जीडीपी ग्रोथ रेट 22.6 टक्क्यांनी घसरला आहे. जीएसटीचा महसूल कमी होण्याचे हे सर्वात मोठे कारण आहे. दुसरीकडे, कोरोना विषाणूच्या साथीच्या पार्श्वभूमीवर मार्चमध्ये लादलेला लॉकडाउन देखील एक कारण आहे. दरम्यान, अनेक आर्थिक कामे रखडली होती आणि जीएसटी रिटर्न भरण्याची टाईमलाईनदेखील व्याज, लेट फी किंवा दंड न घेता वाढविण्यात आली.
ब्रेकिंग बातम्या मोबाईलवर मिळवण्यासाठी आम्हाला 7875002893 या नंबरला WhatsApp करा आणि लिहा “Hello News”.