नवी दिल्ली । भारतीय रेल्वेने (Indian Railway) आपल्या विद्यमान व सेवानिवृत्त कर्मचार्‍यांसाठी गुरुवारी ऑनलाइन एचआर मॅनेजमेंट सिस्टम (HRMS) सुरू केले. या HRMS अंतर्गत कर्मचारी आणि निवृत्तीवेतनधारक त्यांचा पीएफ बॅलन्स तपासून आणि पीएफ अ‍ॅडव्हान्ससाठी अर्ज करण्यासह आणखीही बरीच कामे ऑनलाईन पूर्ण करू शकतील. HRMS प्रकल्पाच्या माध्यमातून उत्पादकता वाढविण्यात आणि कर्मचार्‍यांच्या समाधान करण्यास मदत होईल, असे रेल्वे मंत्रालयाने (Ministry of Railway) गुरुवारी याबाबत एक निवेदन जारी केले. रेल्वे बोर्डाचे अध्यक्ष व मुख्य कार्यकारी अधिकारी विनोदकुमार यादव यांनी कर्मचारी व निवृत्तीवेतनधारकांसाठी व्हिडीओ कॉन्फरन्सिंगद्वारे या HRMS चे मॉड्यूल व युजर डेपो सुरू केले.
यात एक कर्मचारी सेल्फ सर्व्हिस (ESS- Employee Self Service) मॉड्यूल देखील आहे, ज्याद्वारे कर्मचारी HRMS च्या इतर विभागांशी संवाद साधू शकतील. बर्‍याच आवश्यक सुधारणांसाठी कर्मचारी या HRMS द्वारे संपर्क साधू शकतील.
घरबसल्या पीएफ अ‍ॅडव्हान्ससाठी अर्ज करण्यास सक्षम असाल
यापैकी एक मॉड्यूल प्रोव्हिडंट फंड अ‍ॅडव्हान्स (PF Advance) आहे. याद्वारे कर्मचारी घरबसल्या आपला पीएफ बॅलन्स ऑनलाईन तपासू शकतील आणि पीएफ अ‍ॅडव्हान्ससाठी अर्ज करु शकतात. यासाठीचे अ‍ॅडव्हान्स प्रोसेसिंग ऑनलाईन केली जाईल आणि कर्मचारी त्यांच्या पीएफ अर्जाची स्थिती ऑनलाइन तपासू शकतील.
सेवानिवृत्त कर्मचार्‍यांच्या सेटलमेंटची प्रक्रिया ऑनलाईन होईल
या व्यतिरिक्त विनोदकुमार यादव यांनी सेटलमेंट मॉड्यूलही सुरू केले. त्याअंतर्गत सेवानिवृत्त झालेल्या कर्मचार्‍यांच्या सेटलमेंटची प्रक्रिया डिजिटल माध्यमातून पूर्ण केली जाईल. सेवानिवृत्त कर्मचारी सेटलमेंट/पेंशन बुकलेट ऑनलाइन भरण्यास सक्षम असतील. या कर्मचार्‍यांच्या र्विस डिटेल्स आणि पेंशन प्रोसेसिंग करण्याचे काम ऑनलाईन पूर्ण केले जाईल. यामुळे पेपर वाचविण्यात मदत होईल आणि सेटलमेंट प्रक्रियेची देखरेखही केले जाईल जेणेकरून काम वेळेवर पूर्ण करता येईल.
रेल्वेने आपल्या निवेदनात म्हटले आहे की, ‘ही रेल्वे सिस्टमची कार्यक्षमता व उत्पादकता वाढविण्याच्या दिशेने एक पाऊल आहे. तसेच पंतप्रधान नरेंद्र मोदी यांनी केलेले डिजिटलायझेशनचे व्हिजनही पूर्ण होईल. अशी आशा व्यक्त केली जात आहे की या HRMS मुळे सर्व कर्मचार्‍यांच्या कार्यशैलीत अनेक बदल होतील आणि त्यांना टेक्नोसॅव्ही बनू शकतील.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.