हॅलो महाराष्ट्र ऑनलाईन । भारताचा आघाडीचा शत्रू म्हणून पाकिस्तानचं नाव आता मागे पडू लागलं असून ही जागा आता चीनने घेतली आहे. कोरोनाव्हायरसच्या प्रादुर्भावानंतर भारतीय प्रदेश काबीज करण्याच्यादृष्टीने चीन करत असलेल्या प्रयत्नांमुळे भारतीयांचं पित्त खवळलं आहे. चिनी मालावर बहिष्कार टाकण्याची भाषा भारतीयांनी सुरु केली असून त्याची अंमलबजावणीही आता सुरु झाली आहे.
अँडॉईड फोनमधील चिनी अ‍ॅप्स ओळखून डिलीट करण्याचा दावा करणारं Remove China Apps देशभरात व्हायरल झालं आहे. सध्या या अ‍ॅपने गूगल प्ले स्टोअरच्या टॉप फ्री अ‍ॅप्सच्या यादीत स्थान मिळवलं आहे. आतापर्यंत 50 लाखांपेक्षा जास्त वेळा हे अ‍ॅप डाऊनलोड करण्यात आलं आहे. 17 मेपासून आतापर्यंत 50 लाख लोकांनी हे अँप डाऊनलोड केलं असून या आकडेवारीवरुन या अ‍ॅपच्या लोकप्रियतेचा अंदाज बांधता येईल. कोरोना संकट आणि भारत-चीन सीमेवरील तणाव यासारख्या कारणांमुळे देशभरात चीनविरोधात रोष आहे. गुगल प्ले स्टोअरवर हे अ‍ॅप फ्री आहे. विशेष म्हणजे हे अ‍ॅप वापरण्यासाठी लॉगइन करण्याची गरज नाही. यूजर्स आपल्या अँडॉईड फोनमध्ये चिनी अ‍ॅप शोधण्यासाठी Scan चा पर्याय निवडू शकतात.
ऍप कसं काम करतं?
– गूगल प्ले स्टोअरमधून ‘Remove China Apps’ डाऊनलोड आणि इन्स्टॉल करा
– ‘Remove China Apps’ ओपन करा
– आता ‘Scan Now’ पर टॅप करा आणि तुमच्या अँड्रॉईड फोनमध्ये असलेले चिनी अ‍ॅप शोधा
– यानंतर हे अ‍ॅप तुमच्या फोनमध्ये इन्स्टॉल अ‍ॅप स्कॅन करेल. जर चिनी अ‍ॅप मोबाईलमध्ये असतील तर त्याची यादी बनवेल.
– यानंतर जर तुम्हाला या यादीतील कोणतं अ‍ॅप डिलीट करायचं असेल तर अ‍ॅपच्या समोरील डिलीट पर्यायावर टॅप करा
– मग ‘Remove China Apps’ तुमच्या फोनमधील ते अ‍ॅप डिलिट करेल.
बघा, तुम्हाला पटलं तर तुम्हीही विचार करताय का पहा या नवीन अ‍ॅपचा..!!
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.