अर्थमंत्री निर्मला सीतारमण म्हणाल्या,” सरकारी बँक कर्मचाऱ्याच्या मृत्यूनंतर कुटुंबाला 30 टक्के अधिक पेन्शन मिळेल”

नवी दिल्ली । केंद्रीय अर्थमंत्री निर्मला सीतारामन यांनी सार्वजनिक क्षेत्रातील बँकांच्या प्रमुखांची (PSBs Heads) भेट घेतली. यावेळी त्यांनी सार्वजनिक क्षेत्रातील बँकांच्या आर्थिक कामगिरीचा आढावा घेतला. यासह, त्यांनी कोरोना विषाणूच्या साथीमुळे आर्थिक वाढीला झालेल्या नुकसानीची भरपाई करण्यासाठी सार्वजनिक क्षेत्रातील बँकांनी उचललेल्या पावलांच्या प्रगतीचाही आढावा घेतला. 2020 मध्ये कोरोना संकटाची सुरुवात झाल्यानंतर अर्थमंत्री सीतामारन यांनी मुंबईला दिलेली ही पहिलीच भेट आहे, ज्यात त्यांनी बँकांच्या प्रमुखांची भेट घेतली आहे.

‘धोरणांमध्ये स्पष्टता सुनिश्चित करण्यासाठी केंद्र काम करत आहे’
अर्थमंत्री सीतारामन यांनी मंगळवारी कंफेडरेशन ऑफ इंडियन इंडस्‍ट्रीजच्या प्रमुखांशी चर्चा केली. यावेळी त्या म्हणाल्या की,” केंद्र सरकार धोरणांमध्ये स्पष्टता सुनिश्चित करण्याच्या दिशेने काम करत आहे.” त्या आज पत्रकार परिषदेत म्हणाल्या की,” सर्व सरकारी बँका एकत्रितपणे खूप चांगले काम करत आहेत.” त्या म्हणाल्या की,” सार्वजनिक क्षेत्रातील बँकांनी देशाच्या पूर्व भागात चालू आणि बचत खात्यांमध्ये वाढत्या ठेवींवर चिंता व्यक्त केली आहे. यावर, बँकांना ईशान्येकडील सर्व राज्यांसाठी एक विशेष योजना तयार करण्यास सांगितले आहे.”

अर्थमंत्री सीतारामन आणखी काय म्हणाल्या?

>> आर्थिक तंत्रज्ञान क्षेत्रालाही बँकिंग सहाय्याची गरज आहे.

>> झपाट्याने वाढणाऱ्या अनेक क्षेत्रांना बँकिंग क्षेत्राकडूनही भरपूर मदतीची गरज आहे.

>> मंगळवारी उद्योग जगतातील नेत्यांसोबत क्‍लोज्‍ड डोअर मीटिंग घेतली.

>> बँकांसोबत निर्यातदारांच्या गरजा पूर्ण करण्याबाबतही चर्चा झाली.

>> या वर्षी लोकांना देशातील प्रत्येक जिल्ह्यात कर्जाची सुविधा दिली जाईल.

बँक कर्मचाऱ्यांचे पेन्शन पे-आउट वाढवले ​​जाऊ शकते
महसूल सचिव तरुण बजाज यांनी सांगितले की,” सरकार डायरेक्‍ट ओवसीज लिस्टिंगसाठी इच्छुक कंपन्यांशी चर्चा करत आहे. त्याचवेळी, फायनशीअल सर्व्हिस डिपार्टमेंटचे सचिव म्हणाले की,” बँक कर्मचाऱ्यांच्या पेन्शन पे-आउटची मर्यादा 9284 रुपयांवरून 30,000 रुपयांवरून 35,000 रुपये केली जाऊ शकते. ते म्हणाले की,”NPS अंतर्गत कर्मचाऱ्यांच्या पेन्शनमध्ये सार्वजनिक क्षेत्रातील बँकांचे योगदान 10 टक्क्यांवरून 14 टक्के करण्यात आले आहे.”

You might also like