फुटबॉलस्टार लिओनल मेस्सीला कोरोनाची लागण

हॅलो महाराष्ट्र ऑनलाईन । कोरोना या महाभयंकर विषाणूने आता सर्वच क्षेत्रातील लोकांना आपल्या विळख्यात घेण्यास सुरुवात केली आहे. राजकीय खेत्राप्रमाणे या कोरोनाच्या नव्ह्या व्हेरियंटने क्रीडा क्षेत्रातील खेळाडूंवर हल्ला केला असून फुटबॉलमधील जागतिक दर्जाचा खेळाडू म्हणून ओळखला जाणारा अर्जेंटीना संघाचा कर्णधार लिओनल मेस्सी याला कोरोनाची लागण झाली आहे.

याबाबत अधिक माहिती अशी कि, मेस्सी खेळत असलेल्या पॅरिस सेंट जर्मन क्लबमधील मेस्सीसह चौघांना कोरोनाची बाधा झाली आहे. पीएसजी संघातील मेस्सीसह इतर खेळाडूंनाही कोरोनाने घातले असून यामधील जुआन बर्नाच, सर्जिओ रिको आणि नथान बीटमाजाला यांना कोरोनाची बाधा झाली आहे.

बार्सिलोना संघातून पीएसजी संघात आलेल्या मेस्सीने मानाचा ‘बॅलन डी’ओर हा पुरस्कार सातव्यांदा पटकावला होता. सध्या मेस्सी संघासोबत फ्रेंच कप खेळत असून नुकत्याच झालेल्या सामन्यांतर पीएसजी संघात कोरोनाने शिरकाव केला आहे. खेळाडूंसह काही स्टाफ सदस्यांनाही कोरोनाची लागण झाली आहे. मेस्सीसह संघातील कोरोनाबाधित सध्या विलगीकरणात असून त्यांची योग्य ती काळजी मेडीकल टीम घेत असल्याचे पीसएजी संघाच्यावतीने सांगण्यात आलेले आहे.

You might also like