मुंबई । शिवसेना नेते आमदार प्रताप सरनाईक यांच्या घरावर तसंच कार्यालयावर ईडीने छापेमारी सुरु केली आहे. आज सकाळीच ईडीचं पथक नाईक यांच्या घरी दाखल झालं. मनी लॉड्रिंग प्रकरणाच्या दिशेनं ईडीनं ही छापेमारी सुरु केली आहे. सरनाईक यांच्या दोन्ही पुत्रांना ईडीनं चौकशीसाठी ताब्यात घेतलं आहे. ईडीने केलेल्या छापेमारीनंतर राजकीय वर्तुळातून विविध प्रतिक्रिया येत आहेत. आमदार नितेश राणे यांनीहीसंधी साधत सरनाईकांवर झालेल्या कारवाईनंतर मुख्यमंत्री उद्धव ठाकरे यांच्यावर जोरदार निशाणा साधला आहे.(MLA Nitesh Rane and Nilesh Rane make serious allegations against Chief Minister Uddhav Thackeray)
“मुंबईत वायकर आणि ठाण्यात सरनाईक यांचं भुयारी गटार कलानगरकडे जातं. ईडीचा तपास अजून खोलवर झाला तर बरोबर कलानगरमध्ये पोहोचतील. चुकीचं काही झालं असेल म्हणूनच ईडीने कारवाई केली आहे. प्रताप सरनाईक आणि रविंद्र वायकर हा एक मुखवटा झाला. त्याचा मागचा कलाकार जो आहे तो कलानगरमध्ये बसला आहे”, अशा शब्दात आमदार नितेश राणे यांनी मुख्यमंत्री उद्धव ठाकरे यांच्यावर हल्लाबोल केलाय.
माजी खासदार निलेश राणे यांनीही शिवसेनेवर जोरदार प्रहार केलाय. “ठाण्यातील शिवसेनेच्या राजकीय नेत्यांच्या उद्योगधंद्यांबद्दल आपल्याला बरीच माहिती आहे. ठाणे महानगरपालिका हे भ्रष्टाचाराचं विद्यापीठ आहे. बांधकाम व्यवसायाशी निगडीत अनेक गैरव्यवहार ठाणे शहर आणि जिल्ह्यात चालतात. बांधकाम व्यवसाय किंवा इतर अनेक गोष्टींमध्ये ठाण्याचे शिवसेनेचे आमदार, खासदार आणि मंत्री भ्रष्टाचाराने बरबटलेले आहेत. त्यांचे बरेच आर्थिक गैरव्यवहार आणि काळे धंदे आहेत”, असा गंभीर आरोप निलेश राणे यांनी केला आहे.
सरनाईक काही साधू संत नाहीत- नारायण राणे
जप खासदार नारायण राणे यांनी सविस्तर प्रतिक्रिया देण्यास नकार दिला, मात्र सरनाईक काय साधू संत नाहीत, असा टोला राणेंना लगावला. “कायदेशीर गोष्टींमध्ये चौकशी होईपर्यंत प्रतिक्रिया द्यायची नसते. ईडी, सीबीआय, कोर्टाचे निर्णय यांच्या चौकशा पूर्ण झाल्याशिवाय आपण भाष्य करायचं नसतं. प्रताप सरनाईक काय साधू संत नाहीत. तुम्ही आधी त्यांची माहिती घ्यावी. ईडीचा छापा पडला, हे योग्य की अयोग्य ते तुम्ही सांगा, मग आम्ही प्रतिक्रिया देऊ” असंम्हणाले.
किरीट सोमय्यांकडून कारवाईचं समर्थन
भाजप नेते किरीट सोमय्या यांनी सरनाईक यांच्या घरावर ईडीने केलेल्या कारवाईचं समर्थन केलं आहे. सरनाईक यांनी जर बेनामी मालमत्ता जमवली असेल. मनी लॉन्ड्रिंग केली असेल किंवा खोटी कमा केली असेल तर कारवाई झालीच पाहिजे. मीही सरनाईक यांच्या बाबतीत अशा गोष्टी ऐकल्या होत्या, असं सोमय्या म्हणाले. मी आमदार आहे म्हणून माझ्यावर कारवाई नको, असं म्हणणं योग्य नाही, ही चुकीची लोकशाही होणार. म्हणून लोकशाहीत फुल होमवर्कसह कारवाई होत असेल तर त्याचं स्वागत केलं पाहिजे, असंही ते म्हणाले.
प्रताप सरनाईकांवरील ईडीची कारवाई ‘ऑपरेशन लोटस’चा भाग- छगन भुजबळ
वाचा सविस्तर👉🏽 https://t.co/1p2kkA8G7f@ChhaganCBhujbal @BJP4Maharashtra @Dev_Fadnavis @narendramodi @NCPspeaks @ShivSena #operationlotus #HelloMaharashtra— Hello Maharashtra (@HelloMaharashtr) November 24, 2020
फडणवीसांचे संजय राऊतांना 'वचन'; 'त्या' १०० लोकांची यादी द्या! त्यांच्यावर कारवाई होईल!
वाचा सविस्तर-👉🏽 https://t.co/Fn9bROGg48@Dev_Fadnavis @BJP4Maharashtra @NCPspeaks @ShivSena #ED #HelloMaharashtra— Hello Maharashtra (@HelloMaharashtr) November 24, 2020
ईडी' एखाद्या राजकीय पक्षाची शाखा असल्याप्रमाणं काम करतेय!- संजय राऊत
वाचा सविस्तर-👉🏽 https://t.co/4mUJI7jYPe@rautsanjay61 @ShivSena @BJP4Maharashtra @narendramodi @AmitShah #ED #HelloMaharashtra— Hello Maharashtra (@HelloMaharashtr) November 24, 2020
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला whatsapp करा आणि लिहा ‘Hello News’