नवी दिल्ली । एका पोलीस अधिकाऱ्यानं गर्लफ्रेंडवर गोळी झाडून तिला रस्त्यात फेकून दिल्याची धक्कादायक घटना उघडकीस आली आहे. दिल्लीच्या अलीपूर भागात ही धक्कादायक घटना घडल्याचे वृत्त आयएएनएसने दिले आहे. हल्ल्यात जखमी झालेल्या महिलेवर रुग्णालयात उपचार सुरु असून तिची प्रकृती आता स्थिर असल्या मिळत आहे.
जखमी महिला आणि आरोपी दोघेही परस्परांना ओळखतात. वर्षभरापासून त्यांच्यामध्ये प्रेमसंबंध होते असे सूत्रांनी सांगितले. या हल्ल्यातील जखमी महिलेने पोलिसांना दिलेल्या जबाबानुसार पोलीस उपनिरीक्षक संदीप दाहिया यांनी आपल्यावर गोळी झाडली असल्याचे तिने सांगितले. संदीप दाहिया यांच्याविरोधात गुन्हा नोंदवण्यात आला आहे. पुढील तपास सुरु आहे.
दाहिया हे दिल्लीतील लाहोर गेट येथील पोलीस ठाण्यात तैनात आहेत. मिळालेल्या अधिक माहितीनुसार दाहिया यांच्या वैवाहिक आयुष्यात वाद सुरु होता. ते पत्नीपासून विभक्त होण्याची कायदेशीर प्रक्रिया सुरु आहे.
ब्रेकिंग बातम्या मोबाईलवर मिळवण्यासाठी आम्हाला 7875002893 या नंबरला WhatsApp करा आणि लिहा “Hello News”.