Gold Price Today: आंतरराष्ट्रीय बाजारात सोन्या-चांदीची जोरदार वाढ, दहा ग्रॅम सोन्याचे भाव तपासा
नवी दिल्ली । आंतरराष्ट्रीय बाजारपेठेतील मजबूत ट्रेंडमुळे आज म्हणजेच 17 मे 2021 रोजी भारतीय बाजारात सोन्याच्या किंमतीत वाढ झाली आहे . त्याचबरोबर चांदीचा भावही आज 936 रुपयांनी वधारला आणि तो 71 हजारांच्या पुढे गेला. गेल्या व्यापार सत्रात दिल्ली बुलियन मार्केटमध्ये सोन्याचे दर प्रति 10 ग्रॅम 47,199 रुपयांवर बंद झाले. त्याचबरोबर चांदीचा दर प्रति किलो 70,374 रुपयांवर बंद झाला. आंतरराष्ट्रीय बाजारातही सोन्याच्या स्पॉट प्राइसमध्ये आज घसरण नोंदली गेली, तर चांदीच्या किंमतीतही विशेष बदल झाला नाही.
सोन्याचे नवीन दर
सोमवारी सराफा बाजारात सोन्याच्या किंमती प्रति 10 ग्रॅम 348 रुपयांनी वाढल्या. राजधानी दिल्ली मध्ये 99.9 ग्रॅम शुद्धतेच्या सोन्याची नवीन किंमत आता प्रति दहा ग्रॅम 47,547 रुपये झाली आहे. यापूर्वी व्यापार सत्रात सोन्याचा दर प्रति 10 ग्रॅम 47,199 रुपयांवर बंद झाला होता. तथापि, सोन्याचा उच्चांक, 56,200 रुपयांच्या तुलनेत प्रति 10 ग्रॅम 9,000 रुपयांनी कमीच आहे. जर आपल्याला सोन्यात गुंतवणूक करावयाची असेल तर 2021 च्या अखेरीस आपल्याकडे नफा कमविण्याची संधी आहे. त्याचबरोबर आंतरराष्ट्रीय बाजारात आज सोन्याची स्पॉट किंमत 1,853 डॉलर प्रति औंस झाली.
चांदीचे नवीन दर
चांदीच्या किंमतींमध्येही आज तीव्र वाढ दिसून आली. दिल्ली सराफा बाजारात सोमवारी चांदीचे दर 936 रुपयांनी वाढून 71,310 रुपये प्रतिकिलोवर बंद झाले. यापूर्वी व्यापार सत्रात चांदीचा दर 70,374 रुपये प्रति किलोवर बंद झाला होता. आंतरराष्ट्रीय बाजारात आज चांदीच्या किंमतीत कोणतेही विशेष बदल झाले नाहीत आणि ते औंस 27.70 डॉलरवर पोहोचले.
सोन्यात तेजी का येत आहे?
एचडीएफसी सिक्युरिटीजचे वरिष्ठ विश्लेषक (कमोडिटीज) तपन पटेल म्हणाले की,” सोन्याच्या किंमती सातत्याने वाढत आहेत. सध्या त्याची किंमत 3 महिन्यांच्या उच्चांकी आहे. अन्य चलनांच्या तुलनेत डॉलर कमकुवत झाल्याने आणि अमेरिकी बाँड यील्ड मध्ये घट झाल्याने सोन्याचे भाव वाढले आहेत. त्याच वेळी मोतीलाल ओसवाल फायनान्शियल सर्व्हिसेस (MOFS) व्हीपी कमोडिटीज नवनीत दमानी म्हणाले की,”गेल्या आठवड्यात प्रसिद्ध झालेल्या अहवालात अमेरिकेच्या अर्थव्यवस्थेतील घसरण दिसून आली. यामुळे मेटलबाबत गुंतवणूकदारांमध्ये सकारात्मक कल निर्माण झाला. यामुळे सोन्याचे दर वाढत आहेत.”
राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा
Click Here to Join Our WhatsApp Group
