हॅलो महाराष्ट्र ऑनलाईन । सोन्याच्या किंमतींमध्ये सतत होणारी घसरण सुरूच आहे. आजच्या व्यवसायादरम्यान, जिथे सोने कमी किंमतीने ट्रेडिंग करीत आहे,तिथे चांदीमध्ये किंचितशी वाढ झालेली आहे.सराफा बाजारातील किरकोळ व्यवसाय बंद असून फ्युचर्स मार्केटमध्ये मात्र ट्रेडिंग सुरू आहे.
आजचे सोन्याचे भाव
आजच्या व्यापारातील सोन्याच्या किंमतींकडे नजर टाकली तर ५ जून २०२० रोजी सोन्याचे वायदे ०.०१ टक्क्यांच्या किंचित घसरणसह प्रति १० ग्रॅम ४६,०४६ वर व्यापार करीत होते. गोल्ड मिनीमध्येही किंमतीच्या घसरणीसह ट्रेडिंग सुरु होते.
चांदी आज तेजीत आहे
चांदीच्या आजच्या फ्युचर्स ट्रेडिंगमध्ये चांगली वाढ दिसून येत असून ते सुमारे अर्ध्या टक्क्यांनी वाढत होते.३ जुलै २०२० साठीची चांदीची उलाढाल पाहिल्यास ते ०.४९ टक्क्यांच्या वाढीसह ४२,५५० रुपये प्रतिकिलोवर ट्रेडिंग करीत आहे.
कालही सोन्या-चांदीची घसरण दिसून आली
मंगळवारी फ्युचर्स ट्रेडिंगमध्ये घसरण झाल्याने सोन्याची किंमत प्रति १० ग्रॅम ४६,००० च्या खाली गेली.मात्र,नंतर थोड्या फरकाने ते वधारले आणि दिवसाच्या व्यापारात सोन्याचे भाव १४१ रुपयांनी वाढून ४६,१९५ रुपयांवर गेले.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.