शेतकऱ्यांसाठी आनंदाची बातमी! आता पूर्वीपेक्षा सहजपणे उपलब्ध होतील कर्जे, SBI ने केली Adani Capital सोबत भागीदारी

नवी दिल्ली । आता शेतकऱ्यांना कर्ज मिळणे सोपे होणार आहे. खरं तर, देशातील सर्वात मोठी बँक स्टेट बँक ऑफ इंडिया (SBI) ने देशातील शेतकऱ्यांना कर्ज देण्यासाठी अदानी कॅपिटलशी हातमिळवणी केली आहे. अलीकडेच, SBI ने शेतकऱ्यांना ट्रॅक्टर आणि कृषी यंत्रांच्या खरेदीसाठी कर्ज देण्यासाठी अदानी ग्रुपची NBFC ब्रँच अदानी कॅपिटल प्रायव्हेट लिमिटेड सोबत करार केला आहे.

NBFC च्या सहकार्याने कर्ज देईल
बँकेने जारी केलेल्या निवेदनात म्हटले गेले आहे की, “या भागीदारीमुळे SBI पिकांची उत्पादकता वाढवण्यासाठी कृषी यंत्रे खरेदी करू इच्छिणाऱ्या शेतकऱ्यांना कर्ज देऊ शकेल. शेतकर्‍यांचे उत्पन्न दुप्पट करण्यासाठी SBI अनेक NBFCs सोबत सहकार्य करून कर्ज देण्याची प्रक्रिया वाढवण्याचा प्रयत्न करत आहे.”

भागीदारीचा फायदा काय होईल ?
SBI चे अध्यक्ष दिनेश खारा म्हणाले, “को-लेंडिंग प्रोग्रॅम अंतर्गत अदानी कॅपिटलसोबत हातमिळवणी करताना आम्हाला आनंद होत आहे. या भागीदारीमुळे SBI च्या ग्राहकांची संख्या वाढेल. यासह, देशाच्या कृषी क्षेत्राशी जोडण्यास मदत होईल आणि भारताच्या कृषी अर्थव्यवस्थेच्या विकासात योगदान देईल. यापुढे, आम्ही दुर्गम भागातील जास्तीत जास्त ग्राहकांपर्यंत पोहोचण्यासाठी आणि शेवटच्या टप्प्यातील बँकिंग सेवा देण्यासाठी जास्त NBFC सह जवळून काम करत राहू.”

कोणत्या शेतकऱ्यांना मिळणार लाभ ?
अदानी कॅपिटलचे एमडी आणि सीईओ गौरव गुप्ता म्हणाले, “भारतातील सूक्ष्म उद्योजकांना परवडणारी कर्जे उपलब्ध करून देणे हे आमचे उद्दिष्ट आहे. ज्या भारतीय शेतकऱ्यांना बँकेची सेवा मिळत नाही त्यांना या सुविधा उपलब्ध करून देण्यासाठी आमची SBI सोबतची भागीदारी आहे. या भागीदारीद्वारे, आम्ही कृषी यांत्रिकीकरणामध्ये योगदान देण्याचे आणि कृषी क्षेत्राची उत्पादकता आणि उत्पन्न सुधारण्याचे उद्दिष्ट ठेवले आहे.”

You might also like