गुगल बद्दल च्या या गोष्टी तुम्हाला माहित आहेत का? | Happy Birthday Google

ताज्या मराठी बातम्यांसाठी आमचा ग्रुप जॉईन करा
WhatsApp Group Join Now
Google News Join Now

Techबाबा | तसं पहायला गेलं तर ’गुगल’ एक सर्च इंजिन. पण त्याची भूरळ लहानांपासून ते मोठ्यापर्यंत सर्वांनाच. काहीही अडलं की आपण लगेच म्हणतो, ’अरे गुगलवर शोध ना’ सापडेल. यावरून आपल्या प्रत्येकाच्या आयुष्यात गुगलने जे स्थान निर्माण केलंय त्याची महती कळते. खरंच आजच्या ऑनलाईन जमान्यात ’गुगल’आपला गुरू, मार्गदर्शक बनलाय. कॉलेज प्रोजेक्ट असो किंवा एखादा पत्ता शोधणे, नेटकनेक्शन जोडल्या जोडल्या डोक्यात पहिल्यांदा क्लिक होणारे आणि ए टू झेड सर्व माहिती पुरवणारे गुगल २० वर्षांचे झाले आहे. जगातील कोणतीही माहिती हवी असल्यास तिच्या पर्यंत पोहचण्यासाठी मदत करण्यात गुगल या सर्च इंजिनचा कोणीच हात धरु शकत नाही. आज याच गुगलचा २० वा वाढदिवस. त्यानिमित्ताने गुगल विषयी काही मनोरंजक गोष्टी जाणून घेऊयात…

१) लॅरी आणि सर्गी यांनी गुगलची स्थापना केली, पण तुम्हाला हे माहित नसेल की, ऑगस्ट १९९८ मध्ये सन मायक्रोसिस्टिम कंपनीचे सहसंस्थापक अँडी बॅचतोलशॅयम यांनी दोन्ही मित्रांना 1 लाख डॉलर इतकी रक्कम दिली. त्यायोगे त्यांना गुगल कंपनी सुरू करता आली.

२) ‘आय अ‍ॅम फिलिंग लकी’ हे बटण देण्यासाठी गुगलला दरवर्षी ६८२ कोटी इतकी रक्कम द्यावी लागते. यात जाहिरात न पाहता युजरला थेट रिझल्ट मिळतो.

३) गुगलने ई-मेलसोबत सोशल मीडियात जबरदस्त आघाडी मिळवली असून कंपनीने २०२० पर्यंत तब्बल १२ कोटी ९० लाख पुस्तके स्कॅन करण्याचे उद्दिष्ट ठेवले आहे.

४) सौदी अरबच्या वाळवंटामध्ये स्ट्रीट व्ह्यूच्या शूटिंगसाठी गुगलने भाड्याने उंट घेऊन त्याच्या पाठीवर कॅमेरे बसवले होते. कठीण मोहीम सहजसोपी करण्यासाठी ही शक्कल लढवण्यात आली.

५) गुगलच्या सर्च इंजिनवर दर मिनिटाला २० लाख गोष्टी सर्च केल्या जातात. २४ तासांत १६ टक्के अशा गोष्टी सर्च केल्या जातात. ज्या यापूर्वी कधीही गुगलमध्ये नोंदल्या गेल्या नव्हत्या.

६) लॅरी आणि सर्गी यांनी १९९६ मध्ये इंटरनेटवर सर्च इंजिन तयार केले. याचे नाव आधी बॅकरब होते. १९९७ मध्ये कंपनीला गुगल डॉट कॉम डोमेन मिळाले.

७) गुगलचा वाढता प्रभाव रोखण्यासाठी मायक्रोसॉफ्टने युजर्सना ‘बिंग’ वापरण्यासाठी काही रक्कम देण्याची लालूच देखील दाखवली. पण गुगलच्या युजर्सवर याचा परिणाम झाला नाही.

८) गुगल कंपनीतील एखाद्या कर्मचार्‍याचा मृत्यू झाल्यास त्या कर्मचार्‍याच्या पत्नीला पुढील १० वर्षे अर्धा पगार दिला जातो. त्याचबरोबर मुलांना १ हजार डॉलर इतकी रक्कम तो १९ वर्षांचा होईपर्यंत दिली जाते.

Leave a Comment