नवी दिल्ली । काँग्रेसचे नेते राहुल गांधी आणि सरचिटणीस प्रियंका गांधी गुरुवारी हाथरस सामूहिक बलात्कार पीडित कुटुंबाच्या भेटीसाठी ते पायी प्रवास करत रवाना झाले होते. मात्र उत्तरप्रदेश पोलिसांनी दोघांनाही यमुना एक्स्प्रेस वेवर रोखले होते. यावेळी राहुल गांधींना उत्तरप्रदेश पोलिसांनी धक्काबुक्की सुद्धा केली होती. त्यांना अटक करत त्यांच्यावर गुन्हे दाखल केले होते. मात्र आज पुन्हा राहुल गांधी मोटारसायकलवरुन हाथरस सामूहिक बलात्कार पीडितेच्या कुटुंबाला भेटण्यासाठी जाणार असल्याचे बोलले जात आहे.
मागील दोन दिवसांपासून हाथरसमधील बलात्कार पीडितेच्या घराबाहेर पोलिसांचा मोठा ताफा तैनात करण्यात आला आहे. याचदरम्यान राहुल गांधी आज दुपारी पुन्हा हाथरस सामूहिक बलात्कार पीडित कुटुंबाच्या भेटीसाठी प्रयत्न करणार आहे. यावेळी राहुल गांधी यांच्यासोबत काँग्रेसचे काही खासदार देखील सहभागी होणार असल्याची माहिती कॉंग्रेस नेते के.सी. वेणुगोपाल यांनी दिली आहे.
Congress MPs under the leadership of former Congress President Rahul Gandhi will go to #Hathras, UP today afternoon to meet the family of the 19-year-old daughter of Uttar Pradesh, who was brutally assaulted & murdered: Congress leader KC Venugopal pic.twitter.com/RYZTwjV9iX
— ANI (@ANI) October 3, 2020
फक्त मोदीच या देशात चालू शकतात का? सर्वसामान्य व्यक्तीला ही परवानगी नाही – राहुल गांधी
राहुल गांधी म्हणाले की, मी पीडित कुटुंबाची भेट घेण्यासाठी जात असताना मला पोलिसांनी अडवलं. त्यानंतर मी आणि प्रियंका गांधी कार्यकर्त्यांसोबत पायी चालत जाण्याचा निर्णय घेतला. याच दरम्यान उत्तर प्रदेश पोलिसांकडून राहुल गांधी यांना धक्काबुक्की करण्यात आली. लाठीचार्ज करुन मला खाली पाडलं. फक्त मोदीच या देशात चालू शकतात का? सर्वसामान्य व्यक्तीला ही परवानगी नाही का, असा सवाल राहुल गांधी यांनी उपस्थित केला आहे.
“योगी सरकारने महिलांच्या सुरक्षेची जबाबदारी घेतली पाहिजे”
“योगी सरकारने महिलांच्या सुरक्षेची जबाबदारी घेतली पाहिजे. ज्या प्रकारे उत्तर प्रदेशमध्ये महिलांवर अत्याचाराच्या घटना सातत्याने घडत आहेत. त्या बंद झाल्या पाहिजेत. गेल्या वर्षीही अशीच परिस्थिती होती. तेव्हा आम्ही उन्नावच्या लेकीसाठी अशी लढाई लढत होतो” असं प्रियंका गांधी यांनी माध्यमांना प्रतिक्रिया देताना म्हटलं होतं.
ब्रेकिंग बातम्या मोबाईलवर मिळवण्यासाठी आम्हाला 7875002893 या नंबरला WhatsApp करा आणि लिहा “Hello News”.