ज्येष्ठ नागरिक FD वर 10% TDS कसा टाळू शकतात? चला जाणून घ्या

ताज्या मराठी बातम्यांसाठी आमचा ग्रुप जॉईन करा
WhatsApp Group Join Now
Google News Join Now

नवी दिल्ली । 75 वर्षे आणि त्याहून अधिक वयाचे ज्येष्ठ नागरिक ज्यांना या वर्षापासून आयकरातून सूट मिळवायची आहे, त्यांनी त्यांच्या संबंधित बँकांमध्ये फॉर्म 12BBA सबमिट केला आहे. तुमचे उत्पन्न केवळ पेन्शन किंवा मुदत ठेवींमधून मिळालेल्या व्याजातून येत असेल, तर तुम्ही या आयकर सवलतीसाठी पात्र आहात. यासाठी आणखी एक अट म्हणजे तुमचे पेन्शन आणि व्याज एकाच बँक खात्यात आले पाहिजे.

फॉर्म 12BBA मध्ये, तुम्हांला बरेच तपशील विचारले जातात, त्यामुळे हा फॉर्म थोडा गुंतागुंतीचा वाटू शकेल. यामध्ये, तुम्हाला कलम 80C ते कलम 80U अंतर्गत टॅक्स सूट, कलम 87A (5 लाखांपेक्षा कमी करपात्र उत्पन्न आणणे) अंतर्गत टॅक्स सवलत आणि पेन्शन आणि FD वरील व्याजातून मिळणाऱ्या उत्पन्नाचे तपशील मिळतील.

पुनरावलोकनानंतर बँक डिडक्शनचा निर्णय घेईल
सेंट्रल बोर्ड ऑफ डायरेक्ट टॅक्सेस (CBDT) नुसार, फॉर्म सबमिट केल्यानंतर बँक टॅक्स डिडक्शन आणि कलम 87A अंतर्गत सूट विचारात घेतल्यानंतर करदात्याच्या एकूण उत्पन्नाचे कॅल्क्युलेशन करेल. यानंतर बँक टॅक्स स्लॅबनुसार उत्पन्नावरील टॅक्स डिडक्शन करेल. हा एक अतिशय गुंतागुंतीचा फॉर्म आहे. यामुळे ज्येष्ठ नागरिकांना फॉर्म भरण्यात अडचण येऊ नये याची खात्री करण्यासाठी, CBDT ने बँकांना फॉर्म भरण्यासाठी पात्र ज्येष्ठ नागरिकांना मदत करण्याचे निर्देश दिले आहेत. यासह, बँक अनिवार्यपणे ज्येष्ठ नागरिक करदात्याच्या वतीने ITR दाखल करेल.

10% TDS कापण्याचा त्रास टाळा
IT कायद्यांनुसार, 60 वर्षे व त्याहून जास्त वयाच्या ज्येष्ठ नागरिकांकडून व्याजाद्वारे मिळवलेल्या 50,000 रुपयांपेक्षा जास्त उत्पन्नावर 10 टक्के TDS कापला जातो. या प्रकरणात, 5-10 टक्के स्लॅबमधील इन्कम टॅक्स भरणाऱ्याला त्याच्या स्लॅबपेक्षा जास्त टॅक्स भरावा लागेल. उदाहरणार्थ, जर एखाद्याचे व्याजाद्वारे 7 लाख रुपये उत्पन्न असेल तर तो त्यावर 70,000 रुपये TDS भरेल, मात्र फॉर्म 12BBA भरून, त्याला फक्त 52,500 रुपये भरावे लागतील. येथे हे लक्षात घेण्यासारखे आहे की 70,000 TDS कापल्यानंतर, तुम्हाला रिफंडसाठी अर्ज करावा लागेल.

Leave a Comment