एकही मृत्यू नाही : सातारा जिल्ह्यात 351 पाॅझिटीव्ह तर 164 कोरोनामुक्त

सातारा | जिल्ह्यात काल रात्री 12 वाजेपर्यत जाहीर करण्यात आलेल्या रिपोर्टनुसार 351 नागरिकांचे अहवाल कोरोना बाधित असल्याची माहिती जिल्हा आरोग्य अधिकारी, जिल्हा परिषद, यांनी दिली आहे. तर शनिवारी दि. 4 रोजी दिवसभरात जिल्ह्यात विविध रुग्णालयात आणि कोरोना केअर सेंटर, डिसीएचसी व सीसीसीमध्ये उपचार घेत असलेल्या आज संध्याकाळपर्यंत 164 जणांना घरी सोडण्यात आले असल्याची माहिती जिल्हा शल्यचिकित्सक डॉ. सुभाष चव्हाण यांनी दिली.

तालुकानिहाय कोरोना बाधितांची संख्या तर आज अखेर बाधित रुग्णांची संख्या कंसात

जावली 3 (9833), कराड 40 (38129), खंडाळा 14 (13880), खटाव 22(24493), कोरेगांव 33 (21211), माण 8 (17044), महाबळेश्वर 2 (4592), पाटण 1 (9982), फलटण 90 (35254), सातारा 101 (49668), वाई 32 (15443) व इतर 5 (1929) असे आज अखेर एकूण 241458 नागरिकांचे अहवाल कोरोना बाधित आले आहेत. आजअखेर जिल्ह्यामध्ये एकूण 6 हजार 59 कोरोना बाधितांचा मृत्यू झाला आहे.

सातारा जिल्ह्यात आतापर्यंत18 लाख 36 हजार 16 एकूण नमुने घेतले असून त्यापैकी 2 लाख 41 हजार 458 बाधित आढळले आहेत. बाधितांपैकी 2 लाख 28 हजार 276 जणांना घरी सोडण्यात आले आहेत. तर जिल्ह्यात आज 10 हजार 536 जण उपचार घेत आहेत.
You might also like