इन्कम टॅक्स डिपार्टमेंटने करदात्यांना 18 ऑक्टोबरपर्यंत पाठवले 92,961 कोटी रुपये
नवी दिल्ली । इन्कम टॅक्स डिपार्टमेंटने चालू आर्थिक वर्षात (2021-22) 18 ऑक्टोबरपर्यंत 63.23 लाखांहून अधिक करदात्यांना 92,961 कोटी रुपयांहून अधिक रक्कम रिफंड केली आहे. हा आकडा 1 एप्रिल 2021 ते 18 ऑक्टोबर 2021 दरम्यान केलेल्या रिफंड साठी आहे. यातील पर्सनल इनकम टॅक्स रिफंड 23,026 कोटी रुपये होता, तर कॉर्पोरेट्सचा रिफंड 69,934 कोटी रुपये होता.
इन्कम टॅक्स डिपार्टमेंटने ट्वीट करून म्हटले आहे की, “CBDT ने 1 एप्रिल 2021 ते 18 ऑक्टोबर 2021 दरम्यान 63.23 लाखांहून अधिक करदात्यांना 92,961 कोटी रुपयांहून अधिक रक्कम रिफंड केली आहे. 61,53,231 प्रकरणांमध्ये 23,026 कोटी रुपयांचा इनकम टॅक्स रिफंड जारी करण्यात आला आहे आणि 1,69,355 प्रकरणांमध्ये 69,934 कोटी रुपयांचा कॉर्पोरेट टॅक्स रिफंड जारी करण्यात आला आहे.
CBDT issues refunds of over Rs. 92,961 crore to more than 63.23 lakh taxpayers from 1st April, 2021 to 18th October, 2021. Income tax refunds of Rs. 23,026 crore have been issued in 61,53,231 cases &corporate tax refunds of Rs. 69,934 crore have been issued in 1,69,355 cases(1/2)
— Income Tax India (@IncomeTaxIndia) October 21, 2021
गेल्या आर्थिक वर्ष 2020-21 मध्ये इन्कम टॅक्स डिपार्टमेंटने 2.38 कोटी करदात्यांना 2.62 लाख कोटी रुपयांचा टॅक्स रिफंड जारी केला होता. आर्थिक वर्ष 2019-20 मध्ये जारी 1.83 लाख कोटी रुपयांच्या रिफंड पेक्षा हे 43.2 टक्के जास्त आहे.
नवीन पोर्टलवर दोन कोटीहून अधिक ITR दाखल केले
अलीकडेच, इन्कम टॅक्स डिपार्टमेंटने म्हटले होते की,” 2020-21 या आर्थिक वर्षासाठी आतापर्यंत दोन कोटींहून अधिक ITR दाखल करण्यात आले आहेत आणि नवीन IT पोर्टलच्या कामगिरीशी संबंधित समस्या बऱ्याच प्रमाणात सोडवण्यात आल्या आहेत.” CBDT ने करदात्यांना 2020-21 (एप्रिल 2020-मार्च 2021) या आर्थिक वर्षासाठी इन्कम टॅक्स रिटर्न लवकरात लवकर भरण्याचे आवाहन केले आणि असे म्हटले की, सर्व ITR ई-फाइलिंगसाठी उपलब्ध करून देण्यात आले आहेत.
