नवी दिल्ली । भारताच्या कानाकोपऱ्यात रेल्वे सेवा पोहोचवण्यासाठी भारतीय रेल्वे सदैव प्रयन्तशील राहिली आहे. भारतीय रेल्वेने मोठमोठी आव्हान पेलत भारतभरात रेल्वे मार्गांचे जाळं विणलं आहे. असंच एक मोठं आव्हान भारतीय रेल्वेने पुन्हा एकदा स्वीकारलं आहे. ईशान्य भारतातील मणिपूर राज्यात भारतीय रेल्वेच्या उत्तर-पूर्व फ्रंटियर रेल्वे क्षेत्रात जगातील सर्वात उंच पियर पूल बांधण्यात येत आहे. मणिपूर राज्यातील नोनी जिल्ह्यात इजाई नदीवर हा पूल उभारण्यात येणार असून या पुलाच्या सर्वात मोठ्या खांबाची उंची १४१ मीटर असणार आहे.
नाणीजवळ इजाई नदी ओलांडून बनणारा हा पूल अभियांत्रिकी चमत्कार मानला जात आहे. कारण सर्वात उंच पायाची उंची १४१ मीटर असेल. हा पूल जिरीबाम-तुपूल-इंफाळ नवीन बीजी लाइन प्रकल्पाचा भाग (Jiribam-Tupul-Imphal new BG line project ) (१११ किमी) आहे. पुलाची एकूण लांबी ७०३ मीटर असेल. ब्रिजचे पायरोस हायड्रॉलिक ऑगर्सच्या सहाय्याने तयार केले गेले आहेत, उंच पायऱ्यांना कार्यक्षम व सतत बांधकाम सुनिश्चित करण्यासाठी खास “स्लिप-फॉर्म टेक्निक” तयार केले गेले आहे.
“पुलाची एकूण लांबी ७०३ मीटर असेल. पुलाचे घाट हायड्रॉलिक ऑगर्सच्या सहाय्याने तयार केले गेले आहेत. कार्यक्षम आणि सतत बांधकाम सुनिश्चित करण्यासाठी उंच पायऱ्यांना खास ‘स्लिप-फॉर्म तंत्र’ आवश्यक होते, ‘असे रेल्वेच्या एका वरिष्ठ अधिकाऱ्याने सांगितले. मणिपूरमध्ये भारतीय रेल्वेतर्फे उभारण्यात येणाऱ्या या पूलासाठी २८० कोटी रुपये खर्च येणार असून मार्च २०२२ पर्यंत या पूलांचे काम पूर्ण होईल, असे रेल्वेच्या अधिकाऱ्यांनी सांगितले.
सध्या युरोपातल्या मोंटेनीग्रोमधला माला-रिजेका वायाडक्ट हा १३९ मीटर उंचीचा पूल जगातला सर्वाधिक उंचीचा पूल मानला जातो. दरम्यान, याआधी कोकण रेल्वे मार्गावर रत्नागिरीनजीकच्या पानवल येथे सर्वात उंच पूल बांधण्यात आला आहे. भारतीय रेल्वे विशेषतः दुर्गम भागातील विविध भागात दळवळणाचे साधन म्हणून अनेक पावले उचलण्यात येत आहेत. नागरिकांसाठी अजूनही वाहतुकीची मोठी समस्या आहे. तेथे चांगली दळणवळणाची साधने पोहोचविण्याचे काम करण्यावर भर देण्यात आला आहे.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News.”