गेल्या 5 महिन्यांत रुपया झाला सर्वात मजबूत, सर्वसामान्यांना याचा थेट फायदा कसा होईल ते जाणून घ्या

हॅलो महाराष्ट्र ऑनलाईन । जागतिक अर्थव्यवस्थेतील सर्वात मोठ्या अमेरिकी डॉलरच्या तुलनेत भारतीय रुपयाची वाढ जोरदार झाली आहे. अमेरिकन डॉलरच्या तुलनेत गेल्या एका आठवड्यात हे एक टक्क्याहून अधिक बळकट झाले आहे.

रुपया का मजबूत झाला ?
तज्ज्ञांचे असे म्हणणे आहे की परदेशी गुंतवणूकदारांनी भारतीय शेअर बाजारामध्ये मोठी गुंतवणूक केली आहे. त्याचा परिणाम भारतीय रुपयावर दिसून येत आहे. ऑगस्टमध्ये आतापर्यंत परदेशी गुंतवणूकदारांनी एकूण 46,000 कोटी रुपयांची गुंतवणूक केली आहे. जानेवारीत 5359 कोटी रुपये, फेब्रुवारीमध्ये 12,684 कोटी रुपये, मार्चमध्ये 65816 कोटी रुपये तर एप्रिलमध्ये 5208 कोटी रुपये गुंतवणूक करण्यात आली.

अमेरिकन डॉलरच्या कमकुवततेमुळे रुपयादेखील वाढला आहे. या व्यतिरिक्त कोरोनाचे औषध आणि लसीविषयी वाढत्या अपेक्षांमुळे व्यवसायातील भावनाही दृढ होत आहेत.

भविष्यात रुपया आणखी बळकट होईल का?
सध्याच्या काळात रुपया आणखी मजबूत होऊ शकेल, असे तज्ज्ञांचे म्हणणे आहे. रुपया हा प्रति डॉलर 73 रुपयांपर्यंत पोहोचणे अपेक्षित आहे. कारण आरबीआय यासंदर्भात सतत पावले उचलत आहे.

सर्वसामान्यांवर काय परिणाम होईल
भारत आपल्या पेट्रोलियम उत्पादनापैकी सुमारे 80 टक्के वस्तू आयात करतो. रुपया मजबूत झाल्यामुळे पेट्रोलियम पदार्थांची आयात स्वस्त होईल. तेल कंपन्या पेट्रोल आणि डिझेलच्या घरगुती किंमती कमी करू शकतात. डिझेलच्या किंमती खाली आल्यामुळे मालवाहतूक वाढेल, त्यामुळे महागाई देखील कमी होऊ शकेल. या व्यतिरिक्त भारत मोठ्या प्रमाणात खाद्यतेल आणि डाळींची आयात करतो. रुपयाच्या मजबुतीमुळे देशांतर्गत बाजारात खाद्य तेले आणि डाळींचे दर देखील कमी होऊ शकतात.

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.

You might also like