हॅलो महाराष्ट्र ऑनलाइन | आयपीएल 2020 मधील आठवा सामना आज कोलकाता नाईट रायडर्स {Kolkata knight Riders} आणि सनरायझर्स हैद्राबाद {Sunrisers Hydrabad} यांच्यात होणार आहे. दोन्ही संघांना त्यांच्या शेवटच्या सामन्यात हार पत्करावी लागली होती. त्यामुळे या सामन्यात विजय मिळवून स्पर्धेत आगेकूच करण्यावर दोन्ही संघांचा भर असेल.
Matchday 2️⃣ and ready to get back into the groove!
Come on Knights! 💪🏼#KKRHaiTaiyaar #Dream11IPL #KKRvSRH @RealShubmanGill pic.twitter.com/agdnW5suW5
— KolkataKnightRiders (@KKRiders) September 26, 2020
सनरायझर्स हैदराबादला त्यांच्या मधल्या फळीतील फलंदाजी मजबूत करावी लागेल. त्याच वेळी, मिशेल मार्शच्या दुखापतीमुळे त्याला मोठा धक्का बसला असून या सामन्यात प्लेइंग इलेव्हनमध्ये बदल होताना दिसू शकतो. हैदराबादच्या फलंदाजीची मदार जॉनी बेअरस्टो, मनीष पांडे आणि डेव्हिड वॉर्नर वर असेल. तर गोलंदाजी मध्ये त्यांच्या कडे हुमकी एक्का राशीद खान आहे.
दुसरीकडे, कोलकात्यासाठी पहिल्या सामन्यात काहीही चांगले नव्हते.मुंबई विरुद्ध त्यांना एकतर्फी पराभवाला सामोरे जावे लागले. मुंबई विरुद्धच्या सामन्यात त्यांच्या गोलंदाजीच्या चिंधड्या उडल्या होत्या.तर फलंदाजांनीही लोटांगण घातलं होत.
जाणून घेऊ कोलकाता विरुद्ध हैदराबाद सामन्यातील काही विक्रम
१) हेड टू हेड मुकाबल्यात केकेआरची टीम 10-7 ने सनरायझर्स हैदराबादच्या पुढे आहे.
२) सनरायझर्स हैदराबाद विरुद्ध कोलकात्याच्या नितीश राणा ने सर्वाधिक 126 धावा केल्या आहेत.
३) हैदराबाद कडून डेव्हिड वॉर्नरने कोलकाता विरुद्ध सर्वाधिक 533 धावा काढल्या आहेत.
४) कुलदीप यादव आणि सुनील नारायणने एकमेकांविरुद्ध प्रत्येकी 10-10 बळी घेतले आहेत.
५) कोलकाता विरुद्ध भुवनेश्वर कुमार यशस्वी गोलंदाज असून त्याने 19 बळी घेतले आहेत.
ब्रेकिंग बातम्या मोबाईलवर मिळवण्यासाठी आम्हाला 7875002893 या नंबरला whatsapp करा आणि लिहा ‘Hello News’