नवी दिल्ली । कॅडबरीच्या चॉकलेटमध्ये बीफ देखील आहे? या बाबत सोशल मीडियावर सध्या जोरदार चर्चा होते आहे. एका ट्वीटमध्ये असा दावा केला गेला आहे की, कंपनी आपल्या बर्‍याच प्रॉडक्ट्समध्ये जिलेटिन वापरते आणि ज्यात हलाल मीटचा वापर केला जातो. दरम्यान, कॅडबरी इंडियाने ट्विट करून या प्रकरणात आपली बाजू मांडली आहे. कॅडबरी (@DairyMilkIn) ने स्पष्ट केले की,” त्यांचे प्रॉडक्ट्स पूर्णपणे शाकाहारी आहेत.”
सोशल मीडियावर कोणतीही माहिती शेअर करण्यापूर्वी एखाद्याने तथ्ये पूर्णपणे तपासली पाहिजेत. कॅडबरी इंडियाने एका निवेदनात म्हटले आहे की, “ट्विटवर शेअर केलेले स्क्रीनशॉट्स Mondelez/Cadbury इंडियामध्ये बनवलेल्या प्रॉडक्ट्सचे नाहीत. भारतात उत्पादित आणि विकली जाणारी सर्व उत्पादने 100% शाकाहारी आहेत आणि रॅपर्सवरील हिरव्या रंगाचे ठिपके याची पुष्टी करतात.
कॅडबरीने म्हटले आहे की, नकारात्मक प्रचारामुळे त्यांची प्रतिमा खराब होते आहे. यासह, अशा प्रचारामुळे आपल्यावरील ग्राहकांचा विश्वासही कमी होत आहे. आम्ही आमच्या ग्राहकांना या नकारात्मक प्रचारावर विश्वास ठेवू नका अशी विनंती करतो. ट्विटरवरून कॅडबरी प्रॉडक्ट्सवर बहिष्कार घालण्याच्या मोहिमेनंतर कॅडबरीची मूळ कंपनी Mondelez international या कंपनीने हे उत्तर दिले. हा स्क्रीनशॉट कॅडबरीच्या प्रॉडक्ट्समध्ये जिलेटिन आहे असा दावा करणार्‍या वेबसाइटचा होता, जो बीफ मधून मिळविला जातो.
राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा
Click Here to Join Our WhatsApp Group