Janaushadhi Kendras: लोकांना स्वस्त औषधा बरोबरच रोजगारही मिळतो, यासाठी सरकारची योजना काय आहे ते जाणून घ्या

नवी दिल्ली । पंतप्रधान मोदी (PM modi) यांच्या हस्ते रविवारी भारताच्या 7,500 व्या जनऔषधी केंद्राचे (Janaushadhi Kendras) उद्घाटन झाले. पंतप्रधान मोदींनी व्हिडीओ कॉन्फरन्सिंगद्वारे हे नवीन केंद्र देशाला समर्पित केले. देशातील गरिबांना स्वस्त दरात औषधे देण्यासाठी केंद्र सरकारने ही सुविधा सुरू केली आहे. या योजनेंतर्गत मुलींना अडीच रुपयांमध्ये सॅनिटरी पॅडची सुविधा दिली जाते. ही योजना ‘सेवा आणि रोजगार’ चे एक माध्यम आहे, कारण यामुळे तरुणांना रोजगाराच्या संधी देखील उपलब्ध होत आहेत.

जेनेरिक केंद्रांविषयी जास्तीत जास्त लोकांना माहिती देण्यासाठी 1-7 मार्च हा आठवडा जनऔषधी सप्ताह म्हणून साजरा केला जात आहे. पीएम मोदींनी लोकांना या केंद्रांमधून औषधे खरेदी करण्याचे आवाहन केले, ज्यांना लोकं बरेचदा मोदींचे दुकान (Modi Ki Dukaan) असेही म्हणतात, कारण ते अधिक आर्थिकदृष्ट्या सोयीस्कर आहेत. चला तर मग या जेनेरिक औषध केंद्राच्या काही महत्वाच्या गोष्टी जाणून घेउयात-

>> लोकांना कमी किंमतीत दर्जेदार औषधे उपलब्ध करून दिली जातात.
>> या केंद्रांमध्ये 50 ते 90 टक्के औषधे स्वस्तात उपलब्ध आहेत.
>> या केंद्रातून औषधे खरेदी करून लोकांनी एकूण 3,600 कोटींची बचत केली आहे.
>> तेथे एक हजाराहून अधिक जनआषाढी केंद्रे अशी आहेत ज्या महिलांकडून चालवल्या जातात.

5 वर्षांपूर्वी या योजनेची घोषणा करण्यात आली
पंतप्रधान जन औषधी योजना ही एक विशेष योजना असून पंतप्रधान नरेंद्र मोदी यांनी 1 जुलै 2015 रोजी जाहीर केली होती. या योजनेत उच्च प्रतीची जेनेरिक (Generic) औषधे सरकार बाजारपेठेच्या किंमतीपेक्षा कमी दराने उपलब्ध करुन देतात. यासाठी शासनाने ‘जनऔषधी स्टोअर्स’ सुरू केले आहेत, जिथे जेनेरिक औषधे उपलब्ध आहेत.

योजनेचे उद्दीष्ट काय आहे ?
या योजनेचे उद्दीष्ट देशातील प्रत्येक ब्लॉकमध्ये किमान एक पीएमबीजेपी केंद्र उघडण्याचे आहे. मागील वर्षी जनऔषधी दिन पर्यंत देशातील 700 जिल्ह्यात जनऔषधी केंद्राचे 6200 दुकानं उघडली गेली. ही केंद्रे स्वयंरोजगारासाठी एक चांगली संधी म्हणून ओळखली जातात.

जनऔषधी केंद्र (Jan Aushadhi Kendra) कोण उघडू शकेल?
कोणतीही व्यक्ती किंवा व्यावसायिक, रुग्णालय, स्वयंसेवी संस्था, फार्मासिस्ट, डॉक्टर आणि वैद्यकीय व्यावसायिका PMJAY अंतर्गत जनऔषधी केंद्र उघडण्यासाठी अर्ज करू शकतात. PMJAY अंतर्गत जनऔषधी केंद्र उघडण्यासाठी एससी, एसटी आणि दिव्यांग अर्जदारांना 50,000 रुपयांपर्यंतची औषधे ऍडव्हान्समध्ये दिली जातात. PMJAY मध्ये जन औषधी केंद्राच्या नावाखाली औषध दुकानं उघडली गेलेली आहेत.

किती कमाई होते?
जेनेरिक मेडिकल स्टोअरच्या माध्यमातून महिन्यात विकल्या जाणाऱ्या औषधांच्या 20 टक्के रक्कम कमिशन म्हणून दिली जाईल. या संदर्भात, तुम्हीसुद्धा एका महिन्यात 1 लाख रुपयांची औषधे विकली तर त्या महिन्यात तुम्हाला 30 हजार रुपये मिळतील.

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.

 

You might also like