जालन्यात आणखी एक जवानाचा किरोना पॉझिटिव्ह, जिल्ह्यातील रुग्णांची संख्या १४ वर

जालना प्रतिनिधी | जालना येथील पोलीस प्रशिक्षण केंद्रात क्वारंटाईन करण्यात आलेल्या राज्य राखीव दलाच्या आणखी एक जवानाचा अहवाल आज मंगळवारी सकाळी पॉझिटिव्ह प्राप्त झाला असून जिल्ह्यातील कोरोना बाधित रुग्णांची संख्या आता चौदावर पोहचली आहे अशी माहिती सरकारी सूत्रांनी दिली. जालना जिल्ह्यात आतापर्यंत आढळून आलेल्या पॉझिटिव्ह रुग्णापैकी एक,दोन रुग्ण वगळले तर बहुतांशी रुग्ण हे बाहेर जिल्हे अथवा राज्यांतून प्रवास करून जालन्यात परतलेल्या व्यक्तींपैकी आहेत.

जालना जिल्ह्यात कोरोना ला पूर्णपणे रोखण्यासाठी जिल्हा प्रशासन, आरोग्य यंत्रणा आणि पोलीस प्रशासन यशस्वी झाले असले तरी बाहेरून येणारी मंडळी खुशकीच्या मार्गाने जिल्ह्यात प्रवेश करत असून त्यामुळेच जिल्ह्यात कोरोना रुग्णाच्या संख्येत भर पडत असल्याचे स्पष्ट होत आहे. पारध,कानडगाव,सातोना येथे परतलेल्या प्रवाशी हे त्यापैकीच असून बाहेर गावावरून येणाऱ्या प्रवाशांना वेळीच अटकाव करण्याची गरज असल्याचे बोलले जात आहे.

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.